شاركي في النقاش

سجلي الدخول لإضافة تعليق.

التعليقات

122
  1. قرأت مواضيعك السابقه كلها عشان اكون ف الصوره
    واتضح لي ان ولدك ذكي ماشاءالله عليه من حبه للاجهزه واستكشافها وتصرفاته وكلامه اكبر من عمره حتى وان كانت سلبيه ..
    عزيزتي للاسف بيتك مشحون بالطاقه السلبيه الي تأثر ع هالطفل وتزيد من عدوانيته وتمرده ..
    اول شي لازم يقضي مع ابوه وقت اكبر مثلاً يتعلم السباحه يحضر مباراه ويروح معرض سيارات .. .. الخ
    منها تتغير نفسيته وانتِ تهدين وترتاحين •
    لازم ولازم يتسجل ف روضه وتجلسين قبلها مع المديره والمعلمه وتبين لهم حالته وتشخيصه الطبي وتقولين لهم انه دكتورته اصرت يكون ف مدارس عاديه
    حاولي تصحي من النوم مروقه والعبي معاهم و هنا ضروري الالعاب تكون تحتاج تفكير وتركيز مثل البازل
    التلوين والرسم يصفي الذهن استخدمي هالاسلوب معاه
    طلبك شي ثاني وعاند وتكلم عليك بقلة ادب انزلي لمستواه وعينك بعينه بنظرة حزم وامسكي يده بشده "دون مبالغه"
    وقولي عيب انا ماما الكلام هذا ماتعيده *
    بعدها طنشيه شوي لانه كثرت التهديد والوعيد والضرب تخليه يتشبع وما تأثر فيه ..
    والاهم من هذا كله حبيبتي ابوه لازم لازم يمسك معاك زمام الامور دوره مهم خصوصاً مع هالطفل ضروري يخصص له وقت لانه واضح جداً ولدك يحب اشياء اكبر من عمره وماتجذبه العاب الاطفال قولي له ياخذه معاه مشاوير قصيره للبقاله او المطعم يصلي معاه ف المسجد يخالط الذكور ويغيير جو البيت •
    عامليه بحزم دون ضرب اوتعنيف اشغلي وقته بالعاب ذكاء تحتاج تفكير مثل ماذكرت التركيب "الاحجيه" مهمه جداً شجعيه بدون مبالغه ف المدح وتكلمي معاه كثير ..
    طفلك عجينه طريه تقدرين تشكلينها بس تحتاجين الصبر والعطف والذكاء ف التعامل ولاتنسين الدعاء ..
    " ربي يشرح صدرك وييسر امرك ويجعله ابن بار وتشوفين فيه الي يسرك ويثلج صدرك "
  2. الله يعافي ولدك ويشافيه اختي ادخلي جوجل وشوفي الاكل الممنوع للي عندهم فرط حركه لان فيه اكل يزيد من النشاط
  3. @fsbr_gmyl_1

    خلي شخصيتك قويه الولد لا يمشيك على كيفه وهدا هو صغير أجل كيف لما يكبر لازم تكوني حازمه معاه وماتتركيله مجال يأذيك عاقبيه يجلس في كرسي على الجدار كل ماشاغب وتحدديله الوقت لعمر٥ خليه ٥ دقايق متصله ولو قام رجعيه بالقووه وفي نفس الوقت كافئيه لما بجلس عاقل وامدحيه
  4. @tflh_amy

    عآشقة..
    حبيبتي في فرق بيت التوحد و سوء الخُلق .. الله يشافي طفلك هو دام قالوا لك عنده توحد او فرط حركة فهذا شيء مالنا كلمة على كلمة الدكاترة اما انو يتعمد يقهرك او انو يخرب عليك لحكمة منه انه يبي ينرفزك او او او فهذا شيء ماله علاقة ب التوحد …
    كلامك صحيح
  5. نفسس ولد زوجي الله يشفيه الحين عمره ١٠ سنوات تغير كثيررررر مع علاج تعديل السلوك تعبت امه وابوه فيه ماخلوا اسلوب معاه صار حتى بالحارة اي شيء يصير يقلون منه وده طب نفسي ومستشفيات بس بالاخير جابوا دكتور في البيت تعديل سلوك ويدرسه لانه كل مدرسه يتسجل فيها يطردونه منها تغير تماما كان يجيني عشان يجلس مع اخوانه ويضربهم بس يوم احتويناه كلنا تغير تماما صح باقي فيه حركات بس نحبها منه احزن عليه اذا اعطوه العلاج وقعد خامل بس ينسدح ومايتكلم يقطع قلبي صرنا نتجاهل تصرفاته المستفزه ونحفزه ونعطيه مكافئات ونعتمد عليه في بعض الامور
    مثلا صرنا نعطيه يجيب خبز من البقاله ويرجع الباقي ولا رجعه نعطيه ريالين مكافئه يطير فرح اذا جاني اقوله انتبه ع اختك او اخوك لحد ماسوي شغله وارجع اذا انتبه لهم اعطيه مكافئه او يطلع مشوار مع ابوه او يدخل يسوي معي طبخه يحب يبدع في المطبخ هههههه بعد وقفوا عنه الحلويات بس زوجي يقول الدكتور وصف لي مكان بجده يشتري منه كميات من الحلويات خاليه من شغله نسيتها هي اللي تخليه يتحرك بكثره مايكثرون عليه قطعه باليوم
    لازم تصبرون عليه وتحملونه وتشجعونه وتشتغلون علي علاجة بدل مثبطات الطاقه

تابعي تجارب أخرى من هذا القسم.