شاركي في النقاش

سجلي الدخول لإضافة تعليق.

التعليقات

6,389
  1. @roaaa_alaslam

    ايمان بفضل الله

    انا ساكنة في مدينة في جنوب غرب المانيا اسمها ساربروكن على الحدود مع فرنسا
    انت اختك فين

    و الحقينا بالريجيم ينوبك فينا ثواب
  2. رواء الاسلام
    ايمان بفضل الله انا ساكنة في مدينة في جنوب غرب المانيا اسمها ساربروكن على الحدود مع فرنسا انت اختك فين و الحقينا بالريجيم ينوبك فينا ثواب
    انا اختى ساكنة فى اقصى الشمال فى همبورج:) على كدة تلاقى اللغة الالمانية مختلفة عندك فى الجنوب مايلة ناحية الفرنسية؟؟ انتى اتعلمتى المانى ؟؟ فى رمضان اللى فات صمتوا مع مصر و اللا مع السعودية؟؟

    الرجيم هو :

    الاكل كل ساعتين وجبة صغيرة جدا و شرب 8 اكواب ماء على مدار اليوم و الهدف هو عدم ترك نفسك جعانة و العمل على تصغير المعدة بأكل كميات صغيرة

    الساعة 9 صباحا
    تفاحة واحدة مع شاى اخضر بدون سكر

    الساعة 11
    شاى بلبن او نسكافيه بدون كافين بلبن بدون سكر وفى اول الرجيم بدأت بملعقة سكر واحدة و بعدين بطلته
    (ممكن اضافة توست اسمر واحد فقط بجبنة بيضاء او قطعة نستو )

    الساعة 1
    طبق شوربة كرنب مكوناتها ( ورقتين كرنب مقطعين صغير و قالبين مرقة دجاج ماجى و ملقعة كرفس و ملعقة بقدونس مقطعين لو مفيش مش لازم ) و شوربة الكرنب دى مفعولها سحرى بتشبع و تحرق الدهون عشان كدة سميت الشوربة حارقة الدهون و انا حاولت اعنل الرجيم من غيرها مانفعش!

    الساعة 3
    سلطة ( 1 طماطمة + 1 خيارة + خس)
    + بروتين ( 150 جم لحمة او ربع فرخة او شريحة سمك فيلية متشوحة او تونة او 150 صدور فراخ متشوحة فى قليل من زيت الزيتون)


    الساعة 5
    حبة فاكهة واحدة تحتوى على ماء مثل البرتقال او حبتين خوخ او حبتين برقوق او طبق كانتالوب او طبق شمام او 2 كيوى او اى فاكهة متاحة بس لازم تحتوى على ماء كتير ماعدا التفاح والممنوع من الفاكهة ( المشمش و البلح و المانجو و الموز و التين)

    الساعة 7
    نسكافية بدون كافين بلبن او شاى بلبن بدون سكر او ملعقة واحدة سكر

    الساعة 9
    نعناع دافىء بدون سكر

    شرب ماء بعد ذلك حتى ميعاد النوم و ملحوظة يجب شرب الماء وتقسيم ال 8 اكواب بين الوجبات علما بأن مفعول الماء اذا كان مقسم على اليوم افضل من شربه دفعة واحدة
    ------------
    كل اسبوع فى اليوم السابع تأكلى وجبة الغذاء فقط من خارج الرجيم اى حاجة تبويظ نفسك فيها (بيتزا - تورتة - شيكولاتة بس مش كتير طبعا ماتفتحيش على البحرى:42: )
    بس لازم قبل الساعة 5 مساءا و تكملى بعد كدة نفس النظام

    على فكرة وجبة كسر الرجيم مهمة جدا عشان الجسم مايتعودش على الدايت و ممكن اكلها كل اسبوع او اسبوعين .. انا بعد مانزلت 10 كيلو ماكنتش بقدر ابوظ خالص عشان اتعودت على نظام الرجيم بس اول مارمضان جيه و الدنيا باظت !
    انا بحاول الايام دى اعمله تانى

    و لو عرفتى تاخدى شاور مرتين فى اليوم مرة الصبح و مرة بليل عشان يهدى الاعصاب هيساعد كتير
    و كمان لو عملتى رياضة خفيفة فى البيت او مشيتى
  3. @roaaa_alaslam

    شكرا على الريجيم يا ايمان

    رمضان احنا صمنا زي مصر بس هو المجلس الاوروبي للافتاء كانت حساباته كدة لان احنا بنصوم تبعه

    بالنسبة للالماني اه اتعلمت بس مش كتير يعني اللي يمشي حالي في السوق و مع الدكاترة لاني باضطر ساعات اروح للدكتور بالاولاد لوحدي

    بس اختك ما شاء الله ساكنة في هامبورج هناك فيه عرب كتير و نشاط اسلامي كويس
    عقبال ما ربنا يرحمني من هنا و اتنقل مكان احسن يا رب
  4. رواء الاسلام
    شكرا على الريجيم يا ايمان رمضان احنا صمنا زي مصر بس هو المجلس الاوروبي للافتاء كانت حساباته كدة لان احنا بنصوم تبعه بالنسبة للالماني اه اتعلمت بس مش كتير يعني اللي يمشي حالي في السوق و مع الدكاترة لاني باضطر ساعات اروح للدكتور بالاولاد ل…
    شكرا على ايه.. اى خدمة :) عجبك الرجيم و اللا ايه رأيك؟؟

    فعلا ؟ فيه عرب هناك؟ بس هى ماعندهاش خالص غير واحدة مغربية!! بس عيب همبورج انها برد اوى اعتقد فى الجنوب الجو حلو مش كدة؟
  5. @roaaa_alaslam

    يعني الجنوب افضل طبعا من الشمال
    يعني الثلج بيتاخر هنا شوية عن الشمال
    بس مشكلة الجنوب ان الجو فيه متقلب على طول
    يعني الفترة ده يومين حر و يومين برد اوي و طبعا المرض على طول في البيت

    بالنسبة للريجيم حلو بس مش عارفة حسيت انه هيكون صعب على شوية لاني مش هاقد اظبطتها كل ساعتين اكل

تابعي تجارب أخرى من هذا القسم.