معليش بس واضح انك مو مقدره ولا مراعيه الازمه اللي يمرون فيها
انتي مستوعبه يعني ايش اخته مصابه بالسرطان ؟
مستوعبه احساسه انه جالس طول الوقت متوتر وقلقان من انه يجيه خبر سلبي عن حالة اخته ؟
مستوعبه كم فكره تمر في باله عن انهيار اهله لما يعرفون ؟
اللي هو يمر فيه اكبر واضخم واعمق من انه يسايرك بالفراش !!
انضجي الله يرضى عليك
الحياه مو كلها نوم وفراش وحب وعشق وغرام !!
اللي يسمعك تشتكين كذا يقول هذي زوجها مالمسها من سنه وينام برا البيت ولا تشوفه الا بالاسبوع مره
3 شهور فقط فقط فقط من ولدتي وجالسه تشتكين وتعاتبين في الرجال وتلومينه وتقولين له مقصر وبعيد وماتحس فيني وماتشبعني ارحمي الرجال وارحمي نفسك انتي جالسه تبالغيييييين كثير
وحتى يوم اعطاك العذر ما عذرتيه
وش تبينه يسوي لك عشان ترتاحين
صدقيني اللي تسوينه كله بيكون ضدك وربما تجبرين زوجك على شي هو ماوده يسويه
حطي نفسك مكان زوجك وتخيلي ان اختك او احد من اهلك مريض بمرض خطير
هل بيجي لك نفس للفراش والعشق والغرام ؟
هل بتجلسين تفلينها وتضحكين كل يوم ؟
انسانيه ورحمه الله يسعدك حسي شوي بالبني ادم اللي جالس ينعصر ويتألم وساكت وانتي كل همك الفراش والعشق والحب
تصرفاتك طفوليه ومافيها أي نضج
مثل الطفل اللي يسرقون منه لعبته ويجلس مطنقر وماد البوز ويصايح ويبكي بتفكيره الطفولي يظن انه كذا بيكسر الخاطر ويحنن قلب اهله عليه
ادري كلامي قوي لكن انتي غير واعيه ولا متفهمه حجم الوضع والظروف اللي يمر فيها زوجك
لو ان زوجك ينام برى الغرفه بعيد عنك وقتها اقول يحق لك
لو ان زوجك يعاملك بقسوه ومقصر عليك وقتها اقول يحق لك
لكن الرجال حولك وحواليك لكن النفسيه ماش والكسرة في الاخت ثقيله
الله يهديك ويصلح بالك
عججزت اعرف السبب
متابعة النقاش، صفحة 3