ساعدوني بنات حرفيا بنهار

بنات تكفون ساعدوني ارشدوني بنتي عمرها شهرين من البارح بس
يجيها صياح متواصل وفجأة خاصة إذا لبسته أو غيرت له حفاضته اللي مجنني مافيها حفا اسم الله عليها
شفت يدينه وارجوله لايكون فيهم شعر مالقيت شي
مدري وش فيها كذا فجأة تصرخ تصرخ شوي وتطلع روحها ولا تسكت ليين خلاص تتعب
قسم أصيح معها حيرتني مدري وش فيها
قبل مافيها شي طلعت زيارة لأهلي وبعد مارجعت فكيتها وكانت تلعب وتضحك و أول ماغيرت حفاضته بدأت تصرخ لدرجة ترجف ويدينها حركتهم غريبه
واضح تتألم بس من وش ماأشوف فيها شي
أمي تقول اسمه شعاف ماهو صياح اللي فيها
الله يفرج همومكم علموني
من مرت عليها هالحالة