شاركي في النقاش

سجلي الدخول لإضافة تعليق.

التعليقات

103
  1. يالهوي يالهوي يالهوي
    سالفتك والله ماتترقع
    الله يحل امركم
    بس هو ان عداها لك بعض الحريم ماتنعطى وجهه والغالب كذا خصوصا اذا مدت يدها على زوجها
    ياختي يشوفونهم في خلوه ولا يقدروا يحكمون انه مارسوا رذيله والعياذ بالله
    محادثه عادي واتهمتيه بالخيانه وعنفتيه جسديا ومعنويا ...وين انوثتك...وين ضعفك
    غيىرتك المفرطه عليه المفرطه مالها مبرر الله عطاه الجمال ورجال خايف الله...احمدي ربك بعضهم يغازل عيني عينك.. هذا خايف ربه ومراعي مشاعرك....مجرد شك كذا سويتي....
    ضاربته وينزف وكاسره الجوال وكله عشان رساله...اقسم بالله لو اني رجل ووضعت بنفس الظرف ان امراءة مثلك ماتجلس على ذمتي
    عنف جسدي ومعنوي اعوذ بالله
    هو رجل استحى من فعلتك وانتي مااستحيتي
    الله يهديك
    حلك واحد تعتذرين له وتتترجينه وترضين بحكمه وش ماكان ...وترى لو سامحك لايمكن يقبل غلطه زي هذه مستقبلا
    لك وجهه تتقربي منه وتمدي يدك....بس مالك وجه تعتذري....حتى مافكرتي تعتذري
    مااتخيل انثى كذا الله يهديك ويصلح امرك..انتي انثى؟؟؟
    ولاتزعلين من صراحتي
  2. @aml_12345_1

    لو عندك ثقة بنفسك ما سويتي هالفيلم الغريب وماكان دققتي قي تصرفات ونظرات البنات في الاسواق وماكان عقلك الباطن قام يوحيلك انه يكلم بنت ويجلس مع بنت وتفززين من نومك لا متهنية بنوم ولا بحياة وهو ما سوى شبي غير انه قي نظرك وسيم ..
    كسرتيه كسره جامدة واتوقع لو شخصيته قوية ماكان يرد له اعتباره الا زوجة ثانية ليثبت لك انه قدها وقدود ،،
    الان مالك غير الاعتذار القوي وطلب السماح الحقيه قبل تعشش براسه سالفة الزواج ،،
    حتى ردت فعلك غريبه اسبوع بكاء وصياح ولا اعتذرتي وش قصدك كرامتك ما تسمح مثلا ⁉️‼️
    خلاص غلطانه وراكبك الغلط روحي طقي عليه البا ب وادخلي عليه دخله حامدة اعتذار وتأسف وحبي راسه ،،،، وو ،،،، سوي ما بوسعك وارضيه دامه يستاهل
    ولاعاد تاخذينه معك اسواق ولا مطاعم حفاظا على مشاعرك الشرسة
  3. @qmq

    معليش تصرفك همجي جدا

    حتى لو فعلا خاين ما مد يده عليك مالك حق تمدين وترمينه وتكسرين جواله
    تصرفي برقي وحكمه تفاهمي معه او اسأليه بعدها تقررين تجلسين معه او تنفصلين بدون حركات تصغير العقل
    ترا لو واحد ثاني صفقك بالجدار وكسر راسك مثل ماكسرتي جواله وقضبك الباب وش تستفيدين من حركتك ؟


    زوجك واضح انه شخص راقي ماصفقك, أفضل حل لاتنشبين له بتحوم كبده خليه على راحته وارسلي له مسج حتى لو كان معك بالبيت ووضحي تصرفك بكلام بسيط ومرتب واعتذري بأخر الرساله

    اتركيه يوم على راحته ثم اذا شفتيه جالس والجو مناسب اعتذري منه بشكل لبق ودوري اي عذر ان فيه شي مزعلك قبل وكذا

تابعي تجارب أخرى من هذا القسم.