كره اهل زوجي لي بدن سبب
هلا بالجميع حبيت اشارككم مشكلتي وانا واثقه منكم بالرد الي يبرد الصدر مشكلتي اني قبلت اعيش في بيت حماي عشان حماتي عايشه لحالها والعاده مايطلع الاول من البيت الي الثاني يحل محله وكذا مان معاها واحد من عيالها في البيت بس جتله سفره خارج البلد واخذزوجته وعياله وياه انا وافقت اعيش وياهم لين اخر واحد من عيالها يتزوج انا اطلع واهي تحل محلي بس اتزوج ابنهم الاخير طلعت حرمته عقربه ميه من تحت تبن زي ما يقولون عاشت معانا سنه كان سنه جحيم على الكل لحد ما طروها خارج البيت بسبب مشاكلها الي ما تنتهي وعلى اتفه الاسباب تسويها قصه المهم الأن حماتي عندها تظام في البيت ما نجيب شغاله احنا تقوم بكل شي طبعا مالي اي رئي في البيت وما اقدر اعزم صحباتي او اهلي الا بالاذن رغم اني موظفه واصرف على البيت واساعد في الايجار لأن زوجي بدون عمل ومالي اي حق التصرف باي شي في البيت لدرجه ان البيت بيت العيله بيتجمعو فيه سلفاتي وعيالهم وازواجهم بالاعياد مناسبات بالجمع وطبعا اكل وشرب وتخريب للبيتبمن يشوفوهم كذا يفرحون ولا يكلمون عيالهم عيب كانهم يستمتعون بخراب البيت وكل ما اصيح على الاطفال حماتي تزعل تقول اني ما ابغاهم يجون عندنا وباليل ياخذون عيالهم ويروحون بيوتهم ما يرتبون ويايا البيت او يساعدوني في التنظيف كنت بالاول اقول مو مشكله لحد ما تبين ان ثنتين من سلفاتي متعمدين يسون ها الشي عند فيني وقالت لي سلفتي الثانية اهي طيبه بالزياده وما تحب الضلم قالت لي يحسدوكي بكل شي لأنك موظفه ويقولون انك مرتاحه وزوجك ما يرفضلك طلب طبعا كل ما اقول لحماتي ام زوجي لازم يساعدوني ما بينفع كذا تقول ما اقدر اكلمهم الي يجب يسوي شي من نفسه من غير كلام وانا ما بحب المشاكل لعيالي قهرني ردها قررت اخذ حقي بايدي الحين لمن يجون البيت اطنش واخليهم يسون الي يحبون بالاخير هم يروحون بيتونهم وانا ادخل غرفتي واغلق على حالي مالي دخل بشي تقوم حماتي ترتب وتنظف وتتعب طبعا وانا والله قلبي ياكلني عليها بس اخليهم يحسون بتعبي وتشتكي لزوجي انها تتعب وكل ما كلمني زوجي بالموضوع اقله البيت بيت العيله ومتى ما كان بيتي انا بنظف ورا ضيوفي الان حريم اخوانك من البيت ماهم ضيوف يرتبون رواهم اذا هامهم حماتي واطنش بطلت حتى ريال واحد ما احط بالبيت شور علي كيف اخليهم يحترمون دخله البيت لأني ما اقدر اطلع لحالي زوجي ما بيقدر يسيب امه لحالها وكل ما اقول بيتي يردون مو بيتك بيت عمي كاني شغالتهم انا ونا احترام لحماتي وزوجي بس هم زودها معاي