شاركي في النقاش

سجلي الدخول لإضافة تعليق.

التعليقات

2,000
  1. بنات الاردن وفلسطين كيفكم اتمنى تقبلوني صديقه انا زهرة من جدة


    بنات عندي سؤال يمكن اهبل شوي


    عندي صديقات ومعارف كثير اردنيات من اصل فلسطيني ماعمري تعرفت على اردنيه الا وتكون اصلها فلسطيني

    هل نسبة الاردنيين الي من اصل فلسطيني كثير لاني ماعمري مرت علي وحده اردنيه الا واصلها فلسطيني ؟ فهموني كيف
  2. السلام عليكم
    حمد لله على سلامة زهوره
    ومبروك حمل بنوته وديري بالك على حالك
    ومشافيه ام نونو الله يخليلكو اياها يارب
    وسفر موفق لبترا وربي يجيبلكم اللي فيه الخير


    بنات انا رح يخف رخولي للمنتدى لاني نويت انضم امور بيتي ونوم بنتي لانه البيت مخربط كثير وهذا بيتطلب انام بكير يعني بالليل مافيه نت ممكن اقدر متل هالوقت لانه صرت انيم يريم ضهريه بس كمان ممكن استغله بشغل مؤجل فعلا كفايه اهمال بيتي من ما ولدت وهو مش عاجبني ترتيبه

    ببالنسبه للموعد شكرا لاهتمامكم كلكم بس كنسلنا ورح نرجع ناخده بعد الاعياد ما تخلص بلكي بكون زوجي اتفضى شوي
    انا الحمد لله صرت اطلع واخد البنات وشكرا لكل وحده دعتلي بالخير ما يحرمني منكم
    زهوره ابعتيلي ايش دعيتيلي عالخاص

    امور الدايت ماشيه تمام وانا وصلت لل60 الحمد لله بس مرات برتفع كيلو يعني بين 60 و61
    وامور الرضاعه تبهدلت بسبب الحاله النفسيه اللي مريت فيها بس رجع الحليب بجهه وضل خفيف الى نادر بالجهه التانيه على امل التحسن
    لهطت بهالمناسبه 3 ارباع علبة حلاوه وهي يمكن سبب التحسن غررت فيي الوالده قال الحلاوه بتنصحش وزيت السمسم ما بتخزن بالجسم لما دورت بالنت وانه موصين العصاقل يوكلو حلاوه
    بتنصح عالسريع خخخخخخخخخ يالله بتعلم لغيرها

    بدي اطلب وبلا امر عليكن اي وحده بدها تبعتلي رد او سؤال او تطلب مني وتؤمؤني اشي يكون عالخاص لاني ممكن اضيع صفحات كتير وما اقراها

    ولما تشبك اميره بدي اتطمن عليها انا كمان ابعتولي الخاص اخبارها

    زهوره ما التقيتي بحد ن المنتدى بسفرتك

    انا ناويه عالبترا عالصيف اذا ربي راد
  3. مساء الورد والفل
    شو اخباركم بنات اشتقتلكم وباركولي جهازي اتصلح كان ضاربة فيروس هذا الفيروس بعمل على فصلي او منعي دخول المنتدى بعد عشر دقائق والحمدة لله انحلت مشكلتة كثفت برامج الصيانة ومضادت الفيرسات

    زهرة الحمد على سلامتك ما طولتي القعدة في الاردن هيك بسرعة زيارة سريعة
    على كل حال ان شاء تكوني انبسطي وقديتي ايام حلوة

    بنوتة حلوة الف الف مبروك على الخبر الحلو وين الحلوان:icon28:
    بترا كيفك قرأت انك مسافرة وين مسافرة ( الله ييسر عليك وتصلي بالسلامة )
    صيدلانية كيفك وشو اخبارك
    ام محمد يا هلا وميت غلا كيفك وكيف الاولاد اشتقنالك
    سمورة يا سمورة :26: كيفك وينك آآآها غاطسة في قسم الاسرة شوبحب مشاركاتك هناك انت وبتول القدس في الها مواضيع حلوة
    اتؤوتة كيفك وكيف ماما صارت
    بعدين شو هالابداعات الحلوة والله كيكاتك بتشهي بس بدة الواحد يطلع فيهم ل ايش اكلهم ههههههههههههه
    نونو سلامتها ماما ان شاء تقوم بالسلامة
    ايمان كيفك وكيف الحلوات لسة تعبانة معهم بكرة بكبروا وبتنسى وبصير هذا التعب كلة ينذكر وبس يكبروا بعوضوكي هالبنات شو حناين
    نوني كيفك وكيف البيبي ( شو سميتية ) الله يحفظة
    بس عنجد زوجك مزودها هذول هما الرجال :10_1_103v عليهم يخلفوا وينسوا بس نصيحة لا تردي علية وتخلفي بسرعة زي ما بحكيلك اقل شيء ارتاحي سنتين حرام لسة ابنك صغير ( يعني وجهة نظر ) انت طبعآ اعلم الناس بحالك الله يكتبلك كل خير
    ام منى وفلسطين ودمعة واميرة وينكم وين الغيبات ههههههههه قال يعني انا مش من الغايبات
  4. ممممممممممممم
    زهرة جده هيني شخصيا اردنيه من اصل اردني وبصير صاحبتك اول صاحبه اردنيه من اصل اردني

    انا بفهمك ليش دايمن بتلتقي باردنيات من اصل فلسطيني <<<<<<<جتحليلي الشخصي

    احنا بنعرف الوضع بفلسطين واللي صاير من زمان فمجموعات اكثير تهجرت من بلدها وترحلو قسريا من فلسطين توجهو للاردن يمكن هي البلد الاقرب والوحيد اللي كان مرحب بهذيك الفتره بالعائلات اللي هربت من جور اليهود وفي قصص كثير بتحزن وبتقطع القلب للعائلات اللي فروو من الضلم واللي همه عرب 48 <<<<<<نسبه لسنة 1948 النكبه

    ومن الاردن كانت انطلاقة الناس لبدايه جديده بسفر لدوله تانيه او حتى ممكن تضل العيله بالاردن بامان الله ويسافر الزوج
    الفلسطينيه شعب ذاق الامرين فبتحسيه مهاجر بكل مكان حتى امريكا استراليه كندا وبتحمل الغربه وانكتب عليه التغريب اما اللي ضلو ببلدهم الله يكون بالعون وين يروحو وين يضلوا

    اما الاردنيين الاصل فما تعرضو لضروف متل الفلسطينيه يعني بينطبق عليه وضع اي دوله تانيه بتغربو اذا صار فرصة عمل او دراسه وبتلاقيه برجع لبلده مره تانيه

    وما ننسى ان الاردن كدوله تم انفصالها عن بلاد الشام بحكم الاستعمار والحكام الاردنيين كان اصلهم من الحجاز والسكان الاصليين كانو فييوم من الايام دوله وحده مع سوريا وفلسطين


    حصة تاريخ بس اذا عندي اخطاء بمعلوماتي ياريت بنت اشطر مني تصحح

تابعي تجارب أخرى من هذا القسم.