شاركي في النقاش

سجلي الدخول لإضافة تعليق.

التعليقات

2,000
  1. السلام عليكم ورحمة الله..

    كيفكم يا صبايا.. اشتقتلكم كتير والله

    بالمناسبة جهازي بالبيت عطلان عشان هيك صارلي أكتر من 5 أيام ما شفت مشاركاتكم وأنا هلأ عند أهلي بجوز أقعد أكم يوم.. وبجوز بس يومين.. أبصر بعرفش!!

    أنا بخير الحمد لله الذي لا يحمد على مكروه سواه..:(

    إبني وقفت تنظيفه إلى إشعار آخر( يبدو إنه عالسنتين متل ما قلتو أفضل) لأنه مسكين بدأ يتجاوب بجزء وبالجزء الآخر ما بيمسك حاله وأنا صار معي شغلة ما عدت أجمع وصرت أنفتر فيه عالطالعة والنازلة.. حزن قلبي يا عمري.. و بطلت .. وبعدين بردت الدنيا.. يعني سكرت من كل الجهات!!

    أنا يا حبيباتي من يوم الجمعة عندي وجع الله لا يورجيكم.. صداع متواصل وألم في فكي الأيسر لا يحتمل.. ونازلة بلبعة بهالمسكنات والمضادات الحيوية ..

    وبعد 7 ساعات عندي عملية في فكي لأنه طلع عندي عاهة مستخبية(على قولة زوجي):hahaha:

    عندي الفك السفلي صغير وأضراس العقل مالها مكان.. هاي بجوز عادية..:eek: .. بس العاهة المزبوطة إنو الضرس عندي بهاي الجهة نايم نوم الله ريته ما يصحى.. يعني رأس الطاحونة متجه باتجاه جذور الطاحونة اللي بجنبها وحضرته أجا عباله يتفصحن ويطلع هاليومين.. جنن سماي.. بدفش بجذر اللي جنبه.. واللي جنبه بدفش باللي جنبه وهكذا لحد سني النصاني السفلي.. وجع مستمر.. وشايفة الدنيا قد خرم الإبرة ومش عارفة شو عم بخبص.. المهم.. هادا اللي صااااااار..!

    بكرة إن شاء الله بفتك من هالوجع.. بعملية بعملية مو مشكلة.. المهم أخلص.. بجوز يسووها ببنج موضعي مع إني بفضل الكامل لأنو بنج الأسنان ما بيقطع بحضرتي..والدكتور الجراح قلي بدها بجوز ساعة أو أقل بشوي..يا لهويييييي:eek:
    مرة خلعت وحدة حسيتها طلعت من راسي من الوجع مع إني ماخدة 3 أبر يومها.. الله يستر..

    إدعولي.. وسامحوني على الغياب..

    بس أقدر أدخل وأصحصح بعوض عن غيابي إن شاء الله..

    سلامة المريضين والحمد لله عسلامة الغايبين ومبروك للحوامل وشو كمان.. وبالسلامة يا رب للمسافرات.. وأهلا وسهلا بالجدد وربي يرجع الغايبات بالسلامة..:26:

    معلش سامحوني مش شايفة الفضى.. تصبحو على خير
  2. $أميرة النجوم$
    السلام عليكم ورحمة الله.. كيفكم يا صبايا.. اشتقتلكم كتير والله بالمناسبة جهازي بالبيت عطلان عشان هيك صارلي أكتر من 5 أيام ما شفت مشاركاتكم وأنا هلأ عند أهلي بجوز أقعد أكم يوم.. وبجوز بس يومين.. أبصر بعرفش!! أنا بخير الحمد لله الذي لا ي…
    سلامتك اميرة.. طمنينا أول ما تعملي العملية
  3. @zynh_13

    ايمان الحبيبي
    ممممممممممممم زهرة جده هيني شخصيا اردنيه من اصل اردني وبصير صاحبتك اول صاحبه اردنيه من اصل اردني انا بفهمك ليش دايمن بتلتقي باردنيات من اصل فلسطيني <<<<<<<جتحليلي الشخصي احنا بنعرف الوضع بفلسطين واللي صاير من زمان فمجموعات اكثير تهجرت…
    كيييييفكم بنات , شو اخباركم ؟ والله اني كتيير كتيير مشتاقتلكم بس شو بدي اعمل ما عم افضى والله
    بتعرفوا انو لسه ما بعرف شي عن بدلة العرس :(
    المهم ما تنسوني لاني انا مو ناسييتكم ودايما بطل عليكم وبعرف خباركم وبفرح بس اشوفكم سألتو عني
  4. @btra

    زينه...
    كيييييفكم بنات , شو اخباركم ؟ والله اني كتيير كتيير مشتاقتلكم بس شو بدي اعمل ما عم افضى والله بتعرفوا انو لسه ما بعرف شي عن بدلة العرس :( المهم ما تنسوني لاني انا مو ناسييتكم ودايما بطل عليكم وبعرف خباركم وبفرح بس اشوفكم سألتو عني
    صباح الخير يا بنات

    كيف الحال انشالله نهارنا نهار فلاح باذن الله تعالى

    اميرتي لين وين الغيبه طولتي انا نازله عمان ردا علي سؤالك وهاد دليل انك غايبه غياب تام :)

    نونو22 صباح الخير انشالله ماما صارت احسن وخف قلقلك عليها ما تشوف شر والله مكانك مبين

    ايمان الحبيبي صرنا تنتين رح نغيب عن المنتدى كيف البنوتات بالنسبه لترتيب امورك خير ما تعملي شوفي انا معوده اولادي علي النظام والمواعيد بكل شي بالنوم بالاكل حتا الاكل بالمطبخ وبس باللعب

    بالدراسه بالترتيب صدقيني ان استمريتي علي النظام ما رح تتغلبي وشوي شوي رح تلاقي البنات اعتمدو علي نفسهم هي اول شهر رح تتعبي بعدين رح تلاقيهم نفسهم مشو حالهم علي النظام

    بنووته حلوه شو فيكي من غير شر الله يتمملك حملك علي خير يارب وانشالله يكون وحامك خفيف واذا صار عندك وحام ما تخافي اول لاشهر الرابع بيختفي بس ديري بالك علي حالك


    صيدلانيه :26: صباح الخير شو الاخبار

    بتول القدس كيف بابا الله يقومه بالسلامه

    سمره وقمر لعل المانع خير بغيابك

    زهرة الفراشه والله قلتليلي معلومه عن البترا ما كنت اعرفها وعلي فكره انا رحتها مره ايام المدرسه وبذكر اني هلكت وانا ماشيه بالسيق وكرهتها وما عدت حابه ازورها بس بروحلها هالمره انشالله

    والله يعينك علي اول يوم دوام بيكون دمه تقيل

    ام محمد موضوعك كتير حلو وجديد علي بالنسبه للملائكه الي معنا انشالله نكون من الي يتسجللهم حسنات بكثره قولو امين وكترينا من هالمواضيع الجديده

    فلسطين حره واميرة النجوم وشذى ونوني صباح الورد

    سلامتك اميره ونوني طولي بالك كله بيمر

    ما بدي انسى حد :26:

    زهرة جده صباح الخير بنرحب فيكي معنا وانا تاني صاحبه الك اردنيه بعد ايمان سبقتني واظن انها شرحتلك

    وبحب اقلك انه احنا كلنا بالاردن اهل وما عنا فرق بين اردني اردني او اردني من اصل فلسطيني وكمان الاغلب يكون الاب اردني والام فلسطينيه وبالعكس يعني متداخلين ببعض كتير لكن بحكم الفلسطينين عددهم اكبر وعلي فكره انا رحت جده ولي صاحبات بجده وبعرف انها مليانه بالاردنيين من اصل فلسطيني بشكل كبير وانشالله نكون وصلنالك الصوره


    بالنسبه لي يا بنات انا ضبيت اغراضي وبدور هون وهون شو ناسيه حماتي مضايقه كتير علي سفري

    وانا صراحه حاسه اني تايهه بين هالاغراض والافكار

    رح اغيب فتره وانشالله برجع اشغل النت لما افضا

    ومتل ايمان بقلكم الي حابه تسال عني او حابه تبعتلي اي شي خليه علي الخاص لان صعب ادور الصفحات كلها

    استودعكم الله الذي لا تضيع ودائعه

    حاولت اذكر اسامي البنات كلهم والي سهيت عن اسمها تسامحني :26:

    لاني حاسه اني نسيت اسامي

تابعي تجارب أخرى من هذا القسم.