يا متزوجات:هل تنصحون العروس الجديده تحمل بدون تخطيط او تتريث شهور

شوفي الحمل و الأطفال ياخذو كل الوقت و الجهد و التفكير نصيحتي اجلي الحمل فترة يعني 6 شهور مثلا بس بدون موانع صناعية ،،

و استمتعي بهالأيام و سافري و لبسي و سوي ليالي خضرا و صفرا و حمرا ومن هالموجود في المنتدى و خليها ايام ماتنسى وفهمي زوجج عدل و عرفي طباعه وبعدين فكري في الحمل و في النهاية الحمل قسمة الله في ناس مع الموانع و حملو و في بدونها و ماحملو ،،

و مبروك مقدما :)

انه اول ما تزوجت تركت روحي عشان احمل وما صار حمل الا بعد 6 شهور واحس انه فتره زينه استانست وسافرت على راحتي
بس انه ما انصح العروس تاجل لانك ما تدرين بروحك يعني لو لا قدر الله يكون فيك مرض انتي او زوجك ممكن تتفادوه من البدايه

مافي أحسن من ترك الأمور على مجراها لاتأجيل ولا استعجال
أنا حملت بعد زواجي بشهر صحيح ماتهنيت كعروس وتعذبت في الوحام لكن مافي أحلى من
طفل تحملينه بيديك ويقولك ماما ينسيك همومك ويجدد حياتك



(( ربنا هب لنا من أزواجنا وذرياتنا قرة أعين واجعلنا للمتقين إماما ))

والله انا اتفقت مع زوجي اسوي عدد ثلاث شهور وطبعا قعدت شهر ماحملت والشهر الخامس حملت امداني البس لبسي على راحتي واتمتع بزواجي اعتقد تاجلين 4او5 شهور احسن لك