حوامل الامارات (تجمع) 2

هلا كروشات ..انا كنت مسافرة هالسنه و انا حامل في السادس.. و كنت كاشخة بثياب الحمل.. :22:
( اونها).. و طبعا حمودي ويانا.. فعلا السفر مع الياهل قبل لا يكمل 4 سنوات على الاقل عبالة.. حمودي فديته عمره سنه و 9 شهور يوم سافرنا.. ما طاع يرقد في الطيارة و كلما فتحوا الليت او مرت عداله المضيفة او حد من الركاب نش من الرقاد لانه متعود يرقد في حجرته بروحه و يكون ظلام دامس.. و غير انه يحب يمشي على ريوله و يسير على كيفه.. كنت احطه في العربانه.. و كنت متأكدة انه بيصيح.. بس كنا انا و ابو حمودي متفقين اننا ما نشله اذا صاح.. و فعلا كان يصيح دقيقة او دقيقتين بالكثير اول ما نحطه و بعدين ينسى و ينشغل بالمناظر اللي حوالينه...

والحمدلله اننا سافرنا ماليزيا و سنغافورة .. لان فرق التوقيت ما كان كبير.. و بالعكس كنا نسهر نتمشى في المولات او الشوارع و نتعشى متأخرين.. و الحلو بعد ان ولدي يموت على العيش و السمك المقلى او المشوي.. و ماليزيا كل اكلهم عيش و سمك.. الصراحة وايد استانسنا مع حمدوي و هو استانس بعد.. و نسينا التعب و العباله.. و بقت ذكرى حلوة مسجلة في قلوبنا..

الحمدلله يالغلا انتي شخبارج .....

من الأسامي اللي قلتيها يعيبني سارة وسعود .. واااايد حلوييييين
لكن مشكلتي ماريد أسمي اسم موجود في عايلتي او عايلة ريلي ..
أريد أسامي يديدة .. وهالاسمين موجودين !! عشان جيه ما خليتهم في اللستة ..!! :)


مرت سلطان

افتكيتي يا ام راكانه .. هههههههه ارتحتي من التسمية !!
تخيلي عاد يسميها صدق راكانه وتضطرين توافقين لأنج وليتيه السالفة هههههههههههههه

يالله نكمل الموضوع:
الخطوة الرابعة: زيادة النشاط::7_5_122: :7_5_131:
عملية الولادة و الطلق بحد ذاته يشبه المشاركة في جري الماراثون من حيث التعب الجسدي, و مستحيل انج تقدرين تشاركين بماراثون و تتحملين التعب بدون ما يكون عندج استعداد جسدي و تدريبات مسبقة صح؟ التمارين الخفيفة و السهلة تزيد من قوة جسم الام الحامل و استعدادها للولادة , و اهم التمارين هي المشي و السباحة الخفيفة و اليوغا الخاص بفترة الحمل و اللي تساعد الحامل انها تكتسب لياقة و يكون جسمها اكثر مرونة , تقدرين تسوين تمرين Squat لازم تحطين كرسي جدامج و تمسكين بظهره و تكون ريولج مفتوحة شوي اعرض من الحوض و اصابع ريلج متجهة لبرا.. الحين تخيلي انج بتجلسين على كرسي و انزلي مع الشهيق لين ما يصير فخذج درجة 90 مع الساق و ارتفعي مع الزفير. هذا التمرين يفتح منطقة الحوض و يساعد الياهل انه ينزل اكثر و في نفس الوقت يقوي الظهر و الافخاذ و المؤخرة ....> حلوة المؤخرة هذي :hahaha: و بتكونين مستعدة اذا اضطريتي تولدين بوضع الجلوس.

الخطوة الخامسة: مقابلة القابلة:
التعرف اكثر على القابلة اللي بتكون معاج في غرفة الولادة يخلي تجربة الولادة ايجابية و افضل. القابلة اللي اتتابعين معاها ممكن ما تكون موجودة معاج في غرفة الولادة لذلك يفضل انج تتعرفين على اكبر عدد من القابلات في زياراتج للمستشفى لانج اذا كنتي في غرفة الولادة مع قابلة انتي تعرفينها بترتاحين نفسيا.

الخطوة السادسة: تحركي:
المحافظة على وضع عمودي بالمشي او الوقوف او اسناد الجسم على طاولة او جدار اثناء الطلق يساعد الطفل انه ينزل في الحوض اكثر و يفتح عنق الرحم اكثر بسبب الجاذبية, و اسوأ وضعية ممكن الام الحامل تتخذها اثناء الطلق هي الاستلقاء لفترات طويلة. تحريك الحوض بحركة الرقم 8 باللغة الانجليزية او بحركة دورانية يخفف من حدة الم الطلق و تساعدج انج ما تتشنجين و تخلي الياهل ينزل اكثر في قناة الولادة Birth Canal.

الخطوة السابعة: التفكير الايجابي:
لما تفكرين بالم الطلق فكري انه بيكون مجدر ساعات بسيطة لكن الفرحة اللي بعدها بتستمر طول الحياة و ان كل طلق هو عبارة عن خطوة ثانية تقربج من طفلج, و هذا التفكير بيخليج تحسين انج مسيطرة على الالم لين ما تعبرين خط النهاية و تولدين بالسلامة. تذكري انج لازم تتنفسي بطريقة صح واللي بيخليج تركزين انج تتغلبين على الالم و تشيلنه من تفكيرج و بيخليج تكونين هادئة و يرخي عضلات الرحم فيفتح عندج عنق الرحم اكثر..

اتمنى انكم تستفيدون من موضوعي هذا..
و ادعوا لي بولادة سهلة و طبيعية وان الله يرزقني بولد صالح سليم و معافى.

شوفوا هالعربانات الجلد.. والله انهن كشخة .. انا شفتهن في مجلة Mother & Baby و اتخبلت عليهن :32:







شو رايكم ؟؟

صباح الخير يا كروشاااااااااااااااااااااااااااااااااااات