عيوني تعورني كثييير ويا راسي من زمان محتاجه حل😭😭..

انا من شهر مارس تقريباً عيوني مع راسي يعوروني مع دوخة خفيفه وجفاف بعيني زيادة ومرات احس بحرارة فيها واذا بشوف أي شيء تألمني وما اقدر اركز واذا ألمني راسي تعورني ومرة من فتره قريبه حسيت بشد فيها جبهتي اليسار ألمت عيني وفكرت دمى نازل لانه عندي فقر دم بس طلع سليم ١٢ وحتى قلبي وسكري زينين وانا عندي ضعف نظر واحترت مع الألم ولما اجي بنام تألمني كثيير ورحت عيادة عندنا عطوني قطرة عين اسمها هاي فريش بس ما احس بفايدتها على عيني
تكفوووون عطونييي حلل تعبت كثييير من ألم عيني وحياتي مو قادرة امارسها بشكل طبيعي منها وزيادة على ذا انا طالبه بأخر سنه ثانوي ومو قادرة ادرس لا للمدرسة ولا للتحصيلي منها وكله باللابتوب مشكلتي متعبني حيييل... أنا قلت انه ذا اخر حل لانه طلبت حل لمشكلتي من كثييير ناس قبل اجي هنا وانتو اخر أمل لي أتمنى مساعدتكم✨✨..
أختكم في الله❤️❤️..

7 تعليق 883 مشاهدة

شاركي في النقاش

سجلي الدخول لإضافة تعليق.

التعليقات

7
  1. @hnaddy_1

    كان عندي مثل اعراضك إطلعت جيوب انفيه
    خاصه الحين فصل الربيع تزيد يوم تنتقلين من فصل لفصل
    ويزيد معها التحسس الصداع تحسين كانها شقيقه شد من طرف واحد يتركز اما عند العين او عند الجبهه
  2. @zahoor17

    صاحبة الموضوع
    هناددي🎻
    كان عندي مثل اعراضك إطلعت جيوب انفيه خاصه الحين فصل الربيع تزيد يوم تنتقلين من فصل لفصل ويزيد معها التحسس الصداع تحسين كانها شقيقه شد من طرف واحد يتركز اما عند العين او عند الجبهه
    طيب شسوي راسي وعيني طول الوقت يعوروني مع بعض والشد لي فوق شنو الحل وكيف تعالجتي منه وهذا ما له دخل بضعف النظر صح
  3. @angly

    يمكن لازم تسزين فحص نظر جديد هذا اولا
    ثانيا تاكدي من ضغط العيون يمكن هو مسبب لك الالم بالعين والصداع
    والجفاف بالعين نفس الشي ماهو سهل
    لازم تروحين للدكتور
  4. @zahoor17

    صاحبة الموضوع
    Angly
    يمكن لازم تسزين فحص نظر جديد هذا اولا ثانيا تاكدي من ضغط العيون يمكن هو مسبب لك الالم بالعين والصداع والجفاف بالعين نفس الشي ماهو سهل لازم تروحين للدكتور
    المشكلة انه هالفتره صعبه روحت المستشفيات ويا الڨايروس المنتشر وأهلي يخافون نروح لانه انا بعد مناعتي مو قويه

تابعي تجارب أخرى من هذا القسم.