على ضفاف النيل (ملتقى حواء السودان) الجزء التاني .................

والله يا نوله ممكن كلام بلدي يكون منطقي
هناك الشغل ما فظيع زي السودان وماشاء الله صلوحي كبر وانتي ممكن تعملي حاجه تانيه ممكن تمشيها وتجيبي هندي او هنديه في الاسبوع مرتين يخلصو ليكي الشغل التقيل والحاجات الخفيفه اعمليها براكي اساسا بلدكم نضيفه ما بحتاج تمسحي وتقشي البيت كلو كل يوم ما زي هنا! وصلوحي الصباح في الحضانه والمسا بتسوقيهو معاكي يبقى مافي ليها داعي فعلا

طبعاى الهانم عندي الصباح نوم شديد وطبعا ما عارفة اني عارفة
تطلعنا الصباح للشغل عين فاتحة وعين مغمضة وجري للنوم
مرتين نسيت حاجة ورجعت ولاااا حست بي وانا ما كلمتها اني جيت ولغاية الان ما عارفة
والعجب يوم الاجازة بتصحي متاخرة وانا ما سالتها من كدا ففاكرانيما عارفة ومرات لما تصحي وتلقاني قاعدة في الصالة طوالي تمسك راسها ولا ضرسها مع اني والله ما بسالها

ام صالح هسسسسسسسسسسسسسسسسسسسه شفت البيت دة وقلت لى صاحبه الموضوع بيت اشباح:30: بس تعرفى القالت انو فى كتابه عبريه انا ربطها بى انو البيت فى فلسطين فاكيد ليهودى والله اعلم..

يا بنات عاوزة اسالكم رايكم شنو فى الارضيه الخشب ؟؟؟ راجلى عاجباه شديد وقال لى نعملها فى السودان (عندنا شقه ماشين نشطبها انشاء الله فى الاجازة دى حنبدا) رايكم شنو؟ انا شايفها الخشب ما عملي فى السودان بالرغم من انه راقى.

عجبتنى غرفه هسه من الخشب (الباركيه) بس ماعارفه اجيبها لكم كيف؟ ورينى يا ام صالح؟