هل انا على صواب .؟؟

( عيالي يقولوا تطلقي وارحمينا منه ) شايفين ياحريم وش قالت
هذي الحقيقة !
وتقولون عيالي كاسرين ظهري
كم مره نقول لكم تتحججوا بالعيال!! العيال مايبغوا اب مدمن
أطلقوا وارحموهم وارحمنا انفسكم، كأنكم ادمنتوا الضرب والبهدلة
هذا هو يختي ما يتغير، اللي ما تغير ب ٢٠ سنة صعب يتغير
خلي يتغير بعيد عنكم ما ينوثق فيه
ليش تفكري عندك وظيفة وبيت، في ضمان لو مش موظفة
ليش تسوي في نفسك وعيالك كذا هذا اجرااام
بعد كل ذا ولسه تسألي، المفروض تطلقتي من زمان!!
خافي الله في عيالك، آخرتها يذبحك بالساطور اللي كسر به كولون البيت ، أو يذبح واحد من عيالك
ما تستاهلوا أحد يتعاطف معاكم ، ننصح فيكم ما تسمعون
المدمن ماله الا الطلاق الطلاق وبس
تكتبوا مشاكل ولا تأخذون بالحلول، انقهرت عالاولاد
لو رجعتي له وسوى فيك أوفيهم شي انتي السبب ماتلومي الا نفسك!
معليش لو قسوت عليك فلمصلحتك

لاعادي بالعكس اعدبني كلامك لكن البيت صح بنيته..لكن للاسف اخذه مني ماقد سكنته..وقال مالكم شي فيه,,وللاسف قروضي كلها فيه..وللاسف ان الارض ماهي بااسمي لعمي ..لكن باذن الله بواصل وبخليه يرجع كل هلله دفعاتها للبيت.

للاسف اخذ البيت وانا قاعده الحين ع الايجار الله ينصرني عليه..لان الارض لابوه للاسف وثقت فيه لانه قريبي

فعلا اي تصرف هو يسويه ينسبه لغيره ويبري نفسه وكأنه ملاك يمشي..ياشيخه جنون عظمة مدري على ايش..حتى انا مثلك عندي بنت كبيرة وصرت اخاف عليها منه بس ماوضح قدامه لين الحين احسهم ارتحاو نفسيا ومن صياحه على الفاضي والمليان..يمكن يدس في ستارة المجلس..والحبوب صغيرة مرة داخل كيس شفاف صغيييير يمكن يدسها ولايبلعها من وقته..هذا غير يخليه يهوجس باشياء مالها واقع ويشك باشياء ماتصير..

كان حلو اسلوبه في الثلاث السنين الاولى ماكنت الاحظ عليه الا انه مروق وقت راتبه..وبعد عشر سنين فعلا تغير صار شديد وكلمته اللي تمشي حتى لو هي غلط..ولا يوديني اوجب للناس ولا تماشي زي الخلق يقفل علينا..لكن من بعد مااخذ الحبوب في ال6 سنوات الاخيرة صار انسان ثاني مدري هو فصام ولا ايش بالضبط ..مرد عدواني ويسب الناس وانهم ماهم كويسين وماهم رجال وانه افضل واحد وانه صاحب نية طيبة!!! ومافيه تركيز ان وعدك بشي في اليوم الثاني ينسى ويغير رايه ويرفض..وعنده معنى الرجوله العنف والكبت والشدة على النساء !!!وامور كثير الله يصبرني على الالام اللي عشتها معه حسبي الله عليه ونعم الوكيل
بصراحه طلع واحد ثاني شخصية متمردة قاسي عنيف ظالم يشك ان الناس يتامرون عليه وانهم استخبارات ووووعيشني بقلق لكن كنت اصبر علشان عيالي وعلى امل انه يتغير واخرتها طلق وقال( والله محد قال لك تصبرين عليه كل ذي السنين)