هل انا على صواب .؟؟

تصحيح: اعجبني**

أتمنى يكون عندك التحويلات اللي كنتي تحوليها لعمك
راح ترجع لك فلوسك خذي محامي شاطر
تقدري تطلعي من البنك سجل التحويلات في السنوات الأخيرة
لو كنتي تعطيه كاش بدون شهود وورق اثبات تبقي مغفلة
المهم تشتكي وتقولي حطها في البيت، راح يسألون من وين جاب فلوس البناء لو ما عنده مصدر دخل بيكون صعبة يثبته
تعرفي آية الدين المفروض توثقي كل شي حتى لو أهل، الحق ما يزعل
قبل كل شي جربي بالتراضي تاخدي حقك من عمك بدون مشاكل لو عندك حي المفروض يطلع ولده وينصفونك انتي وعيالك
وينهم باقي عيال عمك، الأخيار من الأقارب والقبيلة خلي يتوسطوا يكلموهم

اختي الله يعينك والحمدلله اللي خلصك منه وكل شي مقدر ومكتوب والتأخير كان لحكمة يعلمها الله وحدة
الشي الثاني حبيبتي اذا قدرتي تشتري الأرض من عمك وتوثقي صك البيت بإسمك وجيبي شهود يشهدوا ان انتي بانية البيت وخسرانة فيه
المهم اشتري الأرض واطرديه من البيت واسكنوا انتي وعيالك
حتى لو تشتريها ع دفعات باذن الله عمك ماراح يقصر معاك

أطلبي من عمك يسجل البيت بإسمك لأنها فلوسك وقولي له أنستر فيها أنا وأحفادك لأن إبنك مخه مو براسه راح يبيع البيت عشان الحشيش وإذا رفض أقلها يسجلها بإسم عيالك وخوفيه من االله لوأكلوا حقك حوبتك راح توصلهم لأنها فلوس شقاك وهس قاعده تسددي بالقروض

ام فهد قصتك تشبه قصتي من ناحية الحشيش والحبوب مزاجه متقلب تعبني وان قلت ليش انت كذا يقول كلام كثير لين اقتنع ان الغلط فيني .. ونفس الحاله طلقني مرتين ويوم جاء يتبكبك رجعت .. الحين هو مايغلط علي ولا عيالي بش مزاجه مرهق بشكل .. مره يطلعني للسماء ومره يرميني في القاع ... مشكلتي حبيته بجنون ليتي ما رجعت لاني حملت وصار الهم يدل 3 صار 4 الله يحفظهم لي هم صبري بهالدنيا ... انا بلغت عنه والله ولا فيه احد وحدك ما غير سدصون علي ياخذون زياده معلومات ويسكرون .. صلت بو مسكوه بروح اخلعه ومره اقول يعالجونه ويتوب ويطلع احسن مليت من التفكير تعبت بشكل فضيع الله يعين .. ابي اسالك تكفين غير الضرب كيف بالظبط يعاملك ومتى حستي انه انهبل لان احيانا يصهر تفكيره العالم تراقبه ومترصده له ويقول اهلك ضمن عصابه متربصه لي و احيانا يقول صوتي مثلهم لاتخسرين واحد شاريك ويشك بكل شي الامل والشرب مره متعب .. يعلم الله رجعت بس لانه كسر خاطري والمشكله الكل زعل مني ويعلم الله اني ندمت ..انصحيني