جدة صديقتي تبي جوال وصديقتي ماتبي تعطيها؟

الحين شرد عليها شقول لها؟

تعطي لجدتها، بعدين وش كبيرة في السن اكيد تبي جوال لمس... مش شرط عشان النت
امي الله يرحمها كانت في السبعين وابوي كمان كان عنده وكان في أول الثمانين، احنا اللي جبناه لهم ما طلبوا، عشان يسجلوا لنا رسائل صوتية ويتصلوا من الواتس!! عيالها مرره مقصرين هالجدة

حلوة دي وش اقول لها
يعني صديقتك مستنيتك تعطيها الاذن
لو قلتيلها لاتعطيها بتسمع كلامك وماتعطيها
ولو الموضوع ليك مايحتاج تقولي صديقتي
موضوع عادي جدا ومافيها شي لو قلتي انك انتي

طبعاً تعطيها بدون تفكير ، امي الله يرحمها ويغفر لها طلبتني نفس الطلب وانبسسسسطت مررره يوم اعطيتها جعلها بجنات الفردوس الاعلى ، تعطيها ولاتفكر حتى لو كبار بالسن للان يبون الحياة ويبون الزين

بعدين حسستوني انه فيه قضية ؟!!! هيه تشاورك وانتي مارديتي عليها وتشاورينا وش ارد عليها ههههههههههههههههههههههه كبرتوا الموضوع على غير سنع