أرتجاع مري

الارتجاع هو نفسه اللي يسمونه حموضة المعدة او حرقان المعده
اعراضه واضحه من اسمه حرقان تحسين فيه يصعد للمريء
اما العلاج اول شي صححي نظام اكلك وشربك بحيث يكون صحي
وكمية الوجبه تكون معتدله لا تاكلين الى الشبع والتخمه
ولا تشربين سوائل مع الاكل
وابعدي عن المقالي والسكريات والمعلبات والاطعمه المصنعه والمكرره والمواد الحافظه
وقللي النشويات لانها لما تدخل المعده تكون مثل الاسفنجه تمتص احماض المعده
والشي اللي الاغلبيه تجهله ان الارتجاع ممكن يكون بسبب نقص حمض المعده وليس العكـس
لان راس المعده الله خلقه يتقفل لوحده اذا المعده بدأت تفرز الحمض لهضم الطعام في مثل مستشعرات براس المعده اول مايكثر الحمض تقفل راس المعده لكن لما يكون هذا الحمض قليل يبقى راس المعده مفتوح ويصعد الحمض للمريء ويسبب الحرقه
الحل اللي انصحك تجربينه وهذا الكلام سمعته من طبيب
بعد الوجبه مباشره يفضل وجبة الغداء مجرد خذي ملعقه صغيره خل تفاح عضوي وخففيها بكوب ماء واشربيه مره وحده باليوم فقط ولا تستمرين اكثر من اسبوع متواصل
واحياناً يكون سبب الحرقه نقص املاح عشان كذا ينصحون بإضافة رشة ملح بحري او ملح هملايا مع السلطه او مع الوجبه عشان يتحسن حمض المعدة والهضم
والشي الثالث اللي انصحك تجربينه ( انا ماجربته ) هو العرقسوس ملعقه متوسطه على كوب ماء ساخن غطيه عشر دقايق ثم اشربيه يعالج اغلب مشاكل المعده منها الحموضه
انا كان معي حموضه وعسر هضم وما ارتحت الا لما صححت نظام اكلي وخففت التوتر والضغوطات النفسيه لان كذلك لها دور في حوسة المعده

أنا معي توتر فظيع وقلق له معي 3 شهور أخرتها جاني الارتجاع والقولون
☹️الله يشفيني

يعطيك العافيه عوووًاطف

غريبه عواطف ماخلوك مشررفه
أسلوبك راقي ومثقفه .....ردودك وافيه ...

احلف لك بالله اني يوم حليت مشكلة القلق والتوتر والنفسيه المضروبه ان اموري زانت وصحتي تحسنت
لاني شفت الموت من التراكمات والتعب اللي سببه بمعدتي
اطلعي يومياً تحت الشمس الصباح وامشي سريع مع التركيز على التنفس بيساعدك كثير تتخلصين من التوتر والقلق
وركزي على اكل الورقيات الخضراء والافضل انك تعملينها عصير بالخلاط مع خياره وعصير ليمونه ونص كوب ماء وملعقه صغيره زيت زيتون .. كل ثلاثه ايام سويه واشربيه طازج
وخذي من الصيدليه كبسولات فيتامين دال اليوميه جرعات خفيفه اما 1000 أو 2000 وحده دوليه او شراب فيدروب بعد الوجبه مره وحده باليوم خذي 1 ملي بالقطاره اللي تجي معاه
التراكمات النفسيه وسوء التغذيه تضر بالجسم بشكل ماتتصورينه
في اخصائيه تقول مجرد انك تعرضين جسمك لحالة توتر وضغوطات وقلق يبدأ الجسم يسوي استنفار ويفكك المعادن من العظام والاعضاء عشان يدافع عن الجسم ضد هذا الاجهاد اللي انحط فيه عشان كذا نصحتك بعصير الورقيات الاخضر وفيتامين دال
وبإذن الله مع الايام ينصرف تفكيرك عن التفكير والقلق وترتاحين ويتحسن عندك الهضم وتروح الحموضه
ابحثي باليوتيوب عن ارتجاع المعده والحموضه للدكتور كريم علي واسمعي الحلقه يمكن تستفيدين منها شي
الله يشافيك ويعافيك يارب