امي تظلمني

والله كنت بكتب ان امي بس امسك نفسي
الين قبل كم يوم جيتهم وانا من النوع المسالم
ورحت بيتي تقهويت وجلست معاهم ورحت بيتي مادريت الا تتصل علي وتهاوش لاعاد تجين بيتي ان جيتي بتصل ع زوجك وامه اشتكيك وانا مستغربه صح اعرف انها من صغرنا كاننا عايشين من غير ام ماتعطينا اكل والا اهتمام بس انا ابي ابر فيها ومسحت كل الماضي رغم تاثيري انا وخواتي بالماضي وقسواته
لكن الرسول صلى الله عليه وسلم وصى بالام
وحرشت ابوي علي وزعل ابوي بعدين ابوي ندم اتصل اعتذر ويقولي تعالي
لكن مالي نفس اروح مالي ومال المشاكل وخواتي يقولون امي تظلم عيني عينك
مالنا الا الدعاء

وانتي ياصاحبه الموضوع بري بوالديك
واسكني وحدك عيالك بكره يكبرون يعوضونك

لاعاد تجينها لو مكانك اقطعها حلاص دام عندك فلوس عزي نفسك انني وعيالك وش تبين في المريضة طلع عقدها عليك عشان زوجها تزوج عليها دايم العيال هم ضحايا

امين حبيبتي على دعاءك انا محتاجة دعاء و بك بالمثل دعاءك دمع عيوني

الله يعينك.. من قسوة امك تعلمي.. و ادعمي أطفالك بحنانك وعليهم ع الترابط والرحمه..

ام زوجي شفت فيها شي ماشفته بالامهات الباقيات.. تحث عيالها وبناتها ع الترابط وصله بعضهم. وان الأخ والأخت مقدسين..لما ولدها ينمرض مرض عادي زكام.. تتصل ع كل عيالها ١٥ ولد.. روحو لاخوكم تراه مريض. وتصير كنها عزيمه مقابلينه.. والثوم والمره وأنواع العلاجات جايبينها معهم🤣

لما زوجي ينمرض انفلونزا عاديه يتجمعون ببيتي عيالها وبناتها ياساتر كنت مستغربه اول زواجي.. وبعد ماعرفت انها تجمعهم ع ولدها المريض.. صرت إذا زوجي انمرض.. ما أعلم احد ولا احسسه انه مريض عشان مايزيدو يعلم أمه ويجتمعون علينا إخوانه يوم كامل أو يومين...