🤍🍃التباشير الثاني لمواليد يوليـو & أغسطـس لسنة 2020🍃🤍

ياااااااااارب

الله يشافيكم ويعافيكم يارب والحمدلله الأعراض بسيطة
وعقبال تبشرينا بزواله

بالنسبة للمستشفى اللي سألني فين اتابع بمكة اتابع في حراء وهي غنية عن التعريف من حيث الإهمال والضغط اللي عليها وزادوهم حولوا عليهم حالات كارونا كملو الناقص حتى الاستشاري اللي كنت اتابع معاه صابته الكارونا
الشيء اللي خلاني اروح لهم لمن صار الحظر الكامل على مكة ولا قدرت انزل جدة وكمان حتى مواعيدي في جدة انلغت
محتاجة طفل ولين الغلا فين تتابعو حاليا وكل بنات جدة ؟!!
بالنسبة للي تمنو لي الولادة الطبيعية بعد القيصري أنا اقولها من كل قلبي الله لا يقول ويعيدها جربت الطبيعي بعد القيصري ويارب ما تتكرر التجربة ليه !!
في بكري زي زي الكل تمنيت الطبيعي وأخذت بالأسباب وخلصت شهري وصرت في الاسبوع ال٤٢ وأنا صاملة استنى الفرج لين نزلت علي الموية وقالولي لازم تولدي خلال ٢٤ ساعة والرحم مقفل فأعطوني طلق صناعي بالوريد لمدة يوم كامل وفتح الرحم ١٠ سانتي واقعد ساعتين بعدها بوووووش بووووووش والطفل عالق لين بدأ يختنق وأتحولت قيصري وأنا دموعي ٤ *٤ اقول لزوجي لا توقع عملية بولد طبيعي لكن إرادة الله
بعد ما فقت من العملية سألت الدكتورة ليش قيصري قالتلي حوضك صغير والبيبي رأسه كبير ما قدر يمر وكشفت لي رأسه كان شكله غريب باين انه محزوق وفعلا كان الطفل ازرق زي النيلة لمن جاء وعموما زوجي وأهله عظمتهم عريضه و رؤوسهم تبارك الرحمن كبيرة


حملت بعدها وكنت خلاص شلت فكرت الطبيعي من رأسي بعد المعاناة في الأول لكن قدر الله يكون البيبي تعبان وفي السونارات قالولي حجمه جدا صغير ١٨٠٠ غرام وهذي فرصتك الاخيرة تحاولي تولدي طبيعي وراح تكوني تحت إشراف وكادر طبي وعناية فائقة واي خطر فورا راح نحولك عملية
وفعلا انتظرت لين جاني الطلق ورحت المستشفى كشفت علي اللي في الطوارئ وقالت الطلق بارد والرحم مسكر حولتني تنويم وكنت اتعصر من الألم وطبعا حكومي هذي المرة ما معايا مرافق ودكتورتي قمة النذالة تدق عليها اختي ماترد ترسلها في الواتس تفتح ولا ترد لأنه يوم إجازتها مو مداومة
انادي على الممرضات قمة الإهمال تجي تصارخ تقول انتي مافي ولادة بكرة يجي دكتورة حقك وتروح جلست على هالحال من الفجر لين بعد الظهر فجأة منطقة الخياطة بالقيصرية السابقة صارت تنتفخ مع ألم فضيع لا يحتمل صرت اصرخ بكل قوتي وأقولهم خلاص حموت كانت منومة معايا في الغرفة مريضة قامت المسكينة تجري في الممرات تنادي عليهم تقول المريضة بطنها بتنفجر وفعلا اجتمعوا كم دكتور والغرفة صارت حوسة فحصوني الرحم مفتوح ١٠ سانتي والرأس نازل وفِي نفس الوقت مكان العملية منتفخ بشكل فضيع وصارو يجرو بالسرير الدكتورة تقولهم غرفة العمليات والدكتور يقولها الرأس قيدو نازل في هذي الأثناء الممرضات قاعدين يلبسوني ملابس العملية والدكتور يصارخ في الدكتورة يقولها ما تلحقوها وهي تضم رجولي تقولي لا تدفعي
أنا في ذيك اللحظات فعليًا كنت أتشهد والله لا تقولوا طلق لا والله ما يجي شيء جنب الألم اللي كنت أحسه مكان العملية
قام الدكتور قالي بالحرف ساعدي نفسك ارجوك لازم الان تولدي وبدأ يحاول في ولادة طبيعية وانا خلاص لابسة ملابس العملية والطفل الرأس عالق فسوى حركة طق فيها عظمة الحوض ما أنسى داك الصوت حسّيت شيء انكسر ووقتها فورا نزل البيبي
طبعًا الطفل ما كان ١٨٠٠ غرام كان ٣ كيلو وعليها وأخذوه على العناية واتوفى بعدها بأسبوع
وأنا بعد ما اطمنو انو الرحم ما انفجر خيطوني ونقلوني للغرفة وساعتها جوني شؤون المرضى وقالولي من حقك ترفعي شكوى وضعك كان جدا حرج جدا وربي لطف فيك
بعدها جلست قرابة السنة اعرج وأحس بوحدة من رجولي كاملة تنمل من أعلى الفخذ لين تحت هي نفس المنطقة اللي طق لي العظمة وقت الولادة ورحت دكاترة كثير وجبت دايات تمريخ قالولي ماراح يرجع حوضك زي قبل لين تحملي ثاني وتسقط العظمة مكانها هي متحركة الآن وفعلا ما رجعت طبيعية لين حملت وولدت للمرة الثالثة وبدون اَي مجازفة رحت للقيصري وأنا أحمد لله على نعمة القيصري


الخلاصة كل وحدة تتمنى الأسهل والأريح لها ولجنينها وندعي الله بالخلاص لكن أبدا ما نجازف بصحتنا وصحة أجنتنا واذكر في التجمع اللي قبل قبلنا كانت في وحدة والدة ٣ طبيعي وواحد قيصري وحاولت طبيعي وثناء نزول البيبي انفجر الرحم فصارت والدة طبيعي وفاتحة بطنها سوولها عملية ترميم للرحم وربي حماها ولطف بصغيرها


اسأل الله لي ولكم الولادة السهلة الميسرة

لإني ام
ياعمري والله😩
والله المجازفه شي صعببببب بالنسبه لي اذا اول طفل جاني عمليه خلاص ستوووب مابتمنى الا علميات خلاص ليش اجازف ومريت بتجربه ومانجحت والاهم قد خلاص ولدت علميه ليش اخرب الوضع تحت كمان🤕
ياربي الله يكتب اجرك فعلا اللي كذا تجربه تمر بها ماتنساها ابدا😰😰😰
حراء كمان زي الزفت اختي تو خرجت منها بعملية تنظيف وتقول قرف قرف بمعنى الكلمه الشرشف معطينها كله دم كرمتي ودورة المياه بدون صابون ومافيها رشاش ماء تغسل قمه بالاهمال شي مقرف

الف الحممممدلله على سلامتكم😍😍😍ارجعي لنا اشتقنا لك


صدق يابنات جارتي اصيبت هي وزوجها وعاااادي تقول لي بس حراره والشم والذوق ضعف عندنا وامورنا الباقيه تمام ثلاث ايام وبداو يتحسنون اللهم لك الحمد اللي رحم عباده المسلمين 😍🙏🏻الله يبارك في عافيتنا ويزيدنا ولايضعفنا