عجزت انسى الغدر والظلم ،، حسبي الله ونعم الوكيل

الجأي لربك.. وبس. صديقتي تعرضت لمشكله كبيره بينها وبين زوجها. وكان مقرر يطلقها. ووداها أهلها... تقول بالفترة لجأت لله تصلي القيام كل ليله وتقرأ سورة البقره بتسليمتين. مرات كامله تقراها ومرات نصها. تقول وادعي بالسجود. وقبل يمر شهر جا زوجها يترجاها ترجع معها...


وانتي يا اختي لو بدال ما ترسلين له وتتصلين. لوجئتي لربك. وقلتي اللهم أصلح بيننا




واللهم ياجامع الناس ليوم لاريب فيه اجمع بيننا بالخير والحب والموده والتسامح.. الهم اجعله بردا وسلاما علي


لو لجأتي لربك بالدعاء كان شفتي العجب سريعا. الله سميع مجيب الدعاء..


انا زوجي عنيد. ومره تهاوشت معه ورحت اهلي. واعرف من عناده يرفض يدور الصلح وأمه تشجعه ع الانفصال والزواج وكذالك إخوانه. يقولون وش تبي فيها أنت معاك الشهاده الفلانيه والمنصب الفلاني والناس يتمنون انك تناسبهم..


غيرت رقمي. ولجأت لربي بالقيام والدعاء بين الأذان والإقامة.. والله خلال اسبوعين أو ٣ الا وهو يدور على يقول خلوها تتصل... سبحان الله بعد ماكان يحلف انه ماراح ياخذني لاني انا اللي طلعت من البيت.. وانا طلعت مضغوووطه منه كثير والحمدلله صالحني احسن صلح


الجأي لربك هو وحده مدبر الأمر وعنده حلها

خلص الان اتخذي قرارك. لاتتصلين عليه غيري رقمك. لاتسولفين عنه وعن مشكلتك عند أي أحد.. الجأي لربك بس بنص الليل.. واستودعيه الله انه مايتزوج وادعي ربك يصرفه عن الزواج.. وانتي تدعين وقفي وارفعي يديك ووجهي للقبله... ان الله يستحي أن يرد يدا عبده صفرا إذا رفعن يدعوه ويسأله.. راح تشوفي الاجابه سريعا بأذن الله.. وأكثري من الحوقله وقول حسبي الله. والاستغفار


ترا الصبر دايما عواقبه محمود... والله سبحانه دلنا ع الصبر والصلاة وقت المشاكل والهموم...

اه منك تقهرين دامك زعلتي وقلب الطاولة عليك ليه تروحين تتكلمينه وتترجينه وتدخلين واسطات بينكم بطريقتك هذي خليتيه يتأكد انك تبغينه وميته عليه اه منك بعذره يوم يحظرك خلاص تأكد انك تبينه رغم عيوبه انا مريت بنفس موقفك جيت عند اهلي وانا ناوية الطلاق وحاول يصلح الوضع وطلبت شروط ورفض وقلب الطاولة علي و سويت نفس تصرفك قلت له خلاص انا ابيك واحبك و قررت اتنازل عن شروطي تدرين وش سوى ؟؟ طلع الوجه الثاني له يوم عرف اني ابيه وقام يذلني ويقول انا ماعاد احبك و انتي فيك وفيك رغم انه هو اللي غلط معاي وانا المفروض اللي ما عاد احبه ويدق علي يقول خلي اهلك يجيبونك رغم ابوي ماله دخل ما اخذني من بيتي انا اللي جيت من نفسي يوم شفت الوضع كذا قلبت الطاولة عليه انا وقلت طلقني ما عاد ابيك ورفض وحاول يدخل واسطات ورفضت واصريت على الطلاق وطلقني وجاء بيرجعني بعد العده قلت له لو تبيني رجعني بعقد جديد وفعلاً انتظر لحد ما انتهت العدة ورجعني رغم انه كان يهدد انه لو ما رجعت بالعده راح يتزوج ووو تعلمت اني ما ارضخ حتى لو كنت احب واني اكون جبل مايهزه اي كلام و بالنهاية رجعت معززه مكرمه بمهر جديد وشروط وبيت ملك الحمدلله و تغير للأحسن لكن لو اني رجعت له وترجيته كان يمديه يتملعن معاي الحين هم كذا الرجال ماينفع لهم الا القويه

انتي ٧ سنوات غيرك ١٣ و٢٠ حطي فبالك ان كل شي بالحياه له نهايه الزم ماعليك صحتك وعيالك

لاتكلمينه وتنشبين له وليش وكيف اتركييه بهدوووء فتره طويله حتى لو حزنتي لاتكلمينه ادعي ربك يكتبلك الي فيه الخير لك ولاولادك والله يسخره لك ويجمعكم ع خير