بكلمك بصراحة
كثير امهات واباء يشوفوا ان لهم حصانه
يعني لمجرد كونها ام.. خلااااص.. مستحيل تغلط
لو تظلم، لو تقسى، لو تجرح، لو ايش.. ما تغلط
لمجرد انها ام.. بس لأنها أم يحق لها كل شيء
باسم الامومة يباح الابتزاز العاطفي
وتباح القسوة والتفرقة والتجاوزات الخ الخ
هذي فكرة موجودة صعب ننكرها
والطامة الاكبر مهما كان يبقى موقفك ضعيف
يعني مجرد الشكوى اللي كتبتيها
ممكن البعض يعتبرها عقوق
ويذكرك ببر الوالدين والاحسان الخ الخ
وانتي اصلا بارة ومحسنة وكل شيء
بس لازم يحسسونك ان التقصير فيك ومنك
لمجرد انها الام وانتي البنت
والله لو عمرك مليون مو بس 40.. تبقي الطرف الاضعف
حالة الانكار العامة هذي موجودة بمجتمعنا
ينكرون ان فيه امهات مضطربات نفسيا وغيرها
طيب انتي ايش مشكلتك الان؟
مشكلتك يا طويلة العمر ان علاقتك فيها معقدة
اوك ماراح اتكلم عنها.. بتكلم عنك انتي
انتي مرتبطة فيها بشكل كبييييير هي مصدر العالم لك
فأي كلمة او نظرة منها ممكن تدمرك حرفيا
هذا التعلق متعب جدا جدا لك
لاحظي اقول تعلق مو حب
كونك تعطينها من مصروفك الزوجي وهي مو محتاجة
وتخيطي وتحيكي لاحفادها رغم انك تعبانه
كل هذي جهود وحدة تعاني من التعلق
وتحاول ترضي طرف ثاني وتتسول منه حب
والله وبالله ما عمر المتعلق اخذ الحب
لانه تعلق بغير الله
ويلقي عذاب نفسي وعاطفي طول الوقت
امك على العين والراس
لها حق البر والوصل والاحسان وبس
مصروفك الزوجي لك واشغالك الفنية لك ولبيتك
واذا قالت لا تعدون احفادي ابتسمي وطنشي
واذا حبت عيال اخوك اكثر.. الله يهنيهم
واذا انزعجت من زيارتك.. قولي خيرها بغيرها
خلك مرنة ونفسك خفيفة بدون تعلق وتشره
اذا خففتي هالارتباط المزعج.. بتخف عنك صدقيني
امي قاسية علي وبات من الصعب ارضاءها
متابعة النقاش، صفحة 5