التجمع الحادي عشر لحوامل يناير {1} وفبراير{2} لعام {2021}🤰🏻.

البنت جاهز
والولد لسه مافكرت على اساس بخلي ابوه يختار
بس زوجي مو جدي يمللني
يجلس يستخف دمه ويجيب اسماء من الف وحطبه ويستفزك فيهم
بس ناويه اجلس ادور اسماء واعطيه ونرسي على اسم ان شاء الله

والله مادري وش اقولك


صعبه تعاندينه لانه بيعاند وتتسببين في مشاكل على موضوع تافه ..

بقولك سالفة وحده انا مااعرفها بس تقولي السالفه قريبتها

ياطويلة العمر هذي وحده جابت ولد وسماه زوجها على ابوه
والحين توها والده جابت ولد طبعا قبل لاتولد تعبت وتنومت بسبب السكر والولد تعب في بطنها جلست عنهم ٣ شهور لين ولدت وحطوه في الحضانه لانه جا في الثامن ومتفقين يسمون الولد على ابوها والزوج كان موافق لدرجة طلبت من متجر يسوون لها بشت عليه اسمه مطرز بالزري الذهبي وملابسه مطرز عليها اسمه والقبعه ومهاده والمدس وكلللل شي تتوقعينه مجهزته بمبلغ وقدره مجهزته بالاسم الي متفقين عليه ولدت والولد تعبان المهم طلعت من المستشفى وبشرت ابوها وفرح بالاسم
وجا موعدهم بيزورون الولد في العنايه راحت الحرمه مع زوجها نزل قبلها شافه ورجع قالها يلا انزلي وانا انتظرك
المهم راحت للعنايه قالت بشوف فلان بولد فلان

قالت الممرضه نووو ماما هذا اسم اول جا بابا وسوا اسم جديد

انصدمت وراحت تتاكد تقول اكيد مقلب طلعت لها الاوراق والشهاده طلع فعلا نزل قبلها غير الاسم بسبب امه قالت له تسميه على ابوي تخيليييي!!!! والتجهيز والاتفاق الي بينهم
المهم الحرمه تعبت وتعب قلبها اتزيمات القلب ارتفعت وتنومت والسكر لعب فيها لان كان معها سكر حمل
تخيلي موقفها قدام ابوها شلون بتنحرج

الي يشوف مصيبة غيره تهون مصيبته ..

انا ماراح اقولك عاندينه وتمم رايك وكلمتك لازم تمشي وووو

اذا ماودك بالاسم حاولي تقنعينه باسلوب يمشي معاه

مانفع اشتري راحت بالك وصحتك كلها اسم مايسوى

وفوق هذا كله استغلي الايام هذي ايام فضيله الدعوات مستجابه باذن الله
ادعي ربك ان الله يسخره لك ويهديه ادعي بالي تبينه بالاسم بالهدايه بالسخره بالرزق استغلي هالايام لاتضيعونها ويوم عرفه الله يبلغناه الحي بالدعاء اعتزلي كللل شي عيالك وزوجك سكري عليك باب الغرفه الحالك وادعي وادعي والحييي في الدعاء والله يهديه ويسخره لك يارب ..

اسم عبد الله اسم حلو
خير الاسماء ماحمد وعبد
لكن المشكلة في الانانية وانه ماياخذ رايك
انتي حاولي تتحاورين معه وقوليله على تعبك وحم وثقل وطلق بالنهايه ابسط شي تحرمني منه خلاص انت سميت الاول والثاني عطني فرصه انا اسمي الطفل الثالث لا تصير اناني تسميه الطفل حق للوالدين مو لك انت بروحك
وصري على رايك شوفي يمكن يفك عناده
اسال الله ان يسخر لك زوجك ويهديه وييسر اموركم ياارب💕

يالله ارتفع ضغطي 😤😤
اقسم بالله لو انا لاروح واتفل بنص عينه واقوله تقلع انت وامك ما انت اخر حبه بمووت عليك مالت على ذَا الوجه اذا صرت رجال وعند كلمتك ديك الساعه ارجع
استغفر الله استغفر الله انبطت كبددددي
بس فرحة ابوها تكفي نخليها تسوي كذا

انا بالنسبة لاسم ابوي خلاص خلصت منه
لأن ولدي حمد هو صح مسميه على ابوه بس انا بعد اسم ابوي حمد..
ابوي وابوه نفس الاسم. بس هو بالنسبة له كسب اسم ابوه خلاص خلصنا من سالفة ابوي وابوه.. الحمد لله 💓

شكرا لك لولو..
العشر مباركه علينا وعليكم يا رب 💓