بنات مره ضميري احس مو مرتاح صرت احس نفسي
او اتخيل اني حسوده
بقولكم السالفه حنا حالتنا المادية مو مره
ماحد موظف ببيتنا الا ابوي بس عندي اخوان
متخرجين وامي كلهم مو موظفين
انا متخرجه من زمان من الكليه عمري ٣٠
عندي أختين اصغر مني وحده ٢٢
ووحده ١٨
ام ٢٢ هلكت وهي تدور وظيفه مو محصله
المهم ان ابوي كلم لي مديره بالدوام يساعده
بوظيفه لاخوي او للبنات اذا عنده
هو قالي عندي البنت اذا ابيها وحكومي بس راتبها
٥٠٠٠الاف تقريبا وللعصر انا وافقت على طول
وابوي حددني وقالي اكذبي اذا سالتك اختك
قولي لها هم طالبين خريجه كليه مايبون وحده معها
ثانوي جت اختي قالت لابوي انا ليش مادورت لي
قالها ابوي يبون كليه اذا خلصتي قدمي
انا ضميري مانبني لان كذبت عليها
ماقلت لها ان الوظيفه قال لوحده من بناتك
ولا حدد مستوى التعليم
ابوي مايبي اختي تترك الكليه عشان كذا ماعطها
وجه بالوظيفة
بس انا خاصه وانا اشوف فرحة اختي لي
اني بتوظف والله العظيم اكره نفسسسسسي
ودي اقول لابوي خل اختي تأخذها مابيها
انا بس اعرف نظام اختي وابوي يعرفها
مستحيل تساعد بالبيت مستحيل بتطير
الفلوس بماركات وكافيهات ومطاعم
وحتى وحنا مطفرين تجلس تضغط على ابوي وامي
عشان يدبرون لها وتطلع تطيرهم لكوفي
او مطعم او ماركه او جهاز
وابوي يبي وحده توقف معه وهو قالي هالكلام
قال انا حطيت وجهي قدام وطلبته وظيفه
عشان تعرفين يابنتي الحين الظروف والحياة صعبه
ابي احد يشيل معي وانا بالعكس مستحيل
ابخل على اهلي بشي سوت اغزاض للبيت او فاتورة كهرب
بس اكره نفسي اذا شفت اختي مصدقه
انهم رفضوها عشانها ثانوي وانا قبلوني
حتى قلت لامي قالت امي اختك
توها صغيره ٢٢عمره والمستقبل قدامها
انتي اللي عمرك٣٠ ومتخرجه من سنين
احق منها بس مدري ليش احس اني اخذتها منها
مدري ليش احساس يجيني انك حاسده اختك
ماقلتي لها انه عادي تقدمين انتي
شاركي في النقاش
سجلي الدخول لإضافة تعليق.
التعليقات
23- رزق وكتبه الله لك ..وانتي قلتيها ابوك وامك عارفين ان اختك ماراح تساعد وبتطيرها بالماركات وفعلاً تراها صغيره تكمل دراستها انفع لها ..واختك اذا احتاجت ماراح تقصرين معها ..لايأنبك ضميرك ولاشي الله يوفقك ولاتنسين تعطين اهلك واختك من راتبك ومبروووك الوظيفه
- مادام الوالد طلب منك ذلك فهو أدرى بكما معا وبحالة الأسرة الاقتصادية ،إذا صارحت أختك الآن ربما تسببين مشاكل وحقدا بينها وبين أبيكما وستضعينه في موقف محرج.
إذا أكملت دراستها حينها فقط يبحث لها عن وظيفة.
كوني عونا لأبيك لا عليه.
مبارك عليك الوظيفة جعلها الله فاتحة خير عليك وعلى أهلك. ام واحتاج امي رزق وكتبه الله لك ..وانتي قلتيها ابوك وامك عارفين ان اختك ماراح تساعد وبتطيرها بالماركات وفعلاً تراها صغيره تكمل دراستها انفع لها ..واختك اذا احتاجت ماراح تقصرين معها ..لايأنبك ضميرك ولاشي الله يوفقك ولاتنسين تعطين اهلك واختك من راتبك ومبر…
معها
وممكن أختك بعد ما تتخرج تلاقي وظيفه أحسن من وظيفتك كل واحد الله يسوق له رزقه لا تفكري أن الوظيفه جابها لك أبوك ومديره لا ماهم إلا أسباب هذا رزقك لا ترفضيه ، أبوك حكيم ما ظلم أحد إنت الأكبر ومتخرجه فإنت أولى وأحق بالوظيفه وأختك تكمل دراسها بالأول أبوك يعرف طباعها لذلك قالك قولي لها هيك- ليش يانبك ضميرك. انتي اولئ بالوظيفه لانك البنت الكبيره.. المفروض اختك تترك الوظيفه لك
- مدري انا حسيت اني حسوده لاني بكل امانه فرحت بالوظيفة
لما قال ابوي لي وانا قلت ابيها يمكن عشان كذا ابوي
قال خلاص خوذيها وقولي لأختك طالبين مستوى جامعي
والله لما اشوف فرحة اختي انيً بتوظف اكره نفسي اقول هي فرحانه لي كذا وانا
ساكته ومبسوطة انها لي
اخواني وابوي مايبون ابد اختي تترك الكليه
امي تقول انتي احق انتي الكبيره وفوق ٣٠ ولا فيه امل
تحصلين وظيفه بعد هالعمر اما هي توها لسى مراهقه اصلا
مادخلت ٢٢لسى ماشيه ب ٢١
لكن مدري ليش نفسيتي زفت
مواضيع مشابهة
تابعي تجارب أخرى من هذا القسم.