شاركي في النقاش

سجلي الدخول لإضافة تعليق.

التعليقات

13
  1. @am_rghd3000_1

    لله يجزاك كل خير ماقصرت نقطة مهمة جداااااااااااااااااا في غاية الاهمية
    حتى الام لو اتبعت الصح من الاول ماتتعب مع بنتها لما تكبر
    تصدقي انة بنتي تمهيدي الحين جاتني فترة البسها الكاب من بعد العيد بس من غير تغطية شعرها الحين طشتة ولاتبغى تلبسة ...
    في نظرك متى تبدا الام على تعويد بنتها الحجاب باي عمر؟؟
  2. @um_hana2

    انا ما اخالفك
    اختي
    انا اعطي رأيي
    والاختلاف لا يفسد للود قضيه

    عموما انا من تجربتي مع العبايه تكلمت
    وان شاءالله اذا زرع الدين صحيح في قلب البنت
    بتكبر وهي متمسكه فيه

    يعني دام انه عادي تلبس ولا ماتلبس عبايه فعادي انها تكون
    بنوتيه طفوليه
    وشوي وشوي لما تكبر نعلمها انه كل سن له عبايه ((يعني ممكن يوم تلبس يوم لا وكذا))
    لين نوصل للعبايه الصحيحه تكون وقتها ان شاءالله سن غطاء

    مثلا ام رغد
    احس بنتها صغيره عالعبايه مررره
    واذا حست انها غصب تلبسها ماراح تتقبلها
    لان البنات تجيهم حالات ينهبلون عالعبايه يوم ويوم يرمونها
    المهم
    احس سن رابع هو سن العبايه يعني 10 سنين تقريبا وعلى حسب جسم البنت
    ولما تكبر والي حولها خاصه الام لابسين حجاب صحيح راح هي من نفسها تتشبه بامها
    وطبعا انا ضد الزينه الزايده والكشخه لبنات صغار تطلع اشكالهم كانهم 20 سنه!!!

    عموما
    الله يثبتنا عالدين الصحيح ويصلح بناتنا وبنات المسلمين
    صرنا نشوف اشياء والله تقطع القلب وصرنا نششوف عبايات او بالاصح نص عبايه!!
  3. @frh_alklb_1

    صاحبة الموضوع
    um hana2
    انا ما اخالفك اختي انا اعطي رأيي والاختلاف لا يفسد للود قضيه عموما انا من تجربتي مع العبايه تكلمت وان شاءالله اذا زرع الدين صحيح في قلب البنت بتكبر وهي متمسكه فيه يعني دام انه عادي تلبس ولا ماتلبس عبايه فعادي انها تكون بنوتيه طفوليه …
    ام رغد3000

    حياك الرحمن معنا يا الغاليه
    بالنسبة لي بنتي لبستها الكاب يوم كانت في الصف الثاني (( ملاحظة : بنتي ما شاء الله عليها طويله ))
    يعني تعطينها أكبر من سنها
    في الصف الثاني و الثالث كانت تلبس كاب بدون ما تغطي شعرها من العام الماضي صارت تغطي شعرها وهي في الصف الرابع
    الآن هي في الصف الخامس و ابشركم بعد تبغى عباية راس مو راضيه بالكاب :: الله يصلحها و يحفظها يا رب ::
    أختي بنتك في التمهيدي مرررره صغيره لا تشدين عليها تلبسه اتركيها براحتها يوم تحب تلبسه تلبس و يوم ما تحب خلاص
    اهم شيء لا تكرهه و تحسه مفروض عليها لأنها لسه صغيره و ما راح تعرف ايش يعني حجاب
    لو جلستي تشرحين لها
    ابدأي معها في الصف الثاني او الثالث حجب جسمها حاولي تحببينها فيه من البدايه
    أحيانا لو كان فيه تواصل بينك وبين المدرسه و كانت المعلمة اللي تدرسها نشيطه و تحب الخير ممكن تساعدك و الحمد لله معظم المعلمات متعاونات مع الأهل
    بخطاب بسيط تطلبين منها توضح للبنات بشكل عام أهمية الحجاب و البنت الشاطرة هي اللي تتحجب
    سبحان الله البنت ممكن تتقبل من معلمتها أحيانا أكثر من امها
    خاصة لو شافت زميلاتها كلهم يلسون راح تلبس زيهم
    الله يصلح لك رغودة يا رب و يبارك لك فيها و يرزقك برها و صلاحها


    um hana2
    حيا الله الغاليه
    أبدا عيوني اختلافنا ما يفسد أي قضية ود ان شاء الله تعالى
    أصلا اختلافنا بسيط جدا

    أختي انا في بداية موضوعي ذكرت ان اللي يضايق هو الغطاء اللي يتغطون به البنات الصغار زي عشر و تسع سنين و ما تلتزم فيه أقصد غطاء الوجه
    لكن الحجاب بشكل عام أنا معك انه ماله داعي تلبسه في سن مبكره زي خمس أو ست سنوات
    من ثمان سنوات فما فوق نبدأ نعودها على لبس الحجاب
    اختلافي معك بس في نقطة الزينه و الألوان في الكاب ما نبغى البنات يتعودون على هالأشكال
    الله المستعان اللحين صاروا حتى الحريم الكبار الأمهات يلبسون مطرز و ملون فما بالك ببناتهم

    حياك الرحمن معانا دايما اختي أم هانا وتذكري حنا دايما أخوات في المنتدى نحاول نتساعد
    حتى نوصل بأبنائنا و بناتنا لتربية اسلاميه صحيحه :)



  4. @frh_alklb_1

    صاحبة الموضوع
    um hana2
    انا ما اخالفك اختي انا اعطي رأيي والاختلاف لا يفسد للود قضيه عموما انا من تجربتي مع العبايه تكلمت وان شاءالله اذا زرع الدين صحيح في قلب البنت بتكبر وهي متمسكه فيه يعني دام انه عادي تلبس ولا ماتلبس عبايه فعادي انها تكون بنوتيه طفوليه …
    مكرر

تابعي تجارب أخرى من هذا القسم.