مكلومه وقلبي مفطور

السلام عليكم يابنات
اليوم حصل موقف كئيييب قهرني من جوات قلبي
زوجي وأخوانه وأبنائنا دايما يجتمعون عند جدتهم كل يوم وبينهم ترابط وحب وفزعه لبعضهم ويحبون المزح ومزحهم من العيار الثقيل الله يحفظهم الزبده عندي ولد الله يصلحه مايستحمل المزح وكذا مره أبوه ينبه عليهم إذا شفتوه معصب لاتمزحون معاه وهو دايم إذا قام من النوم يجلس ساعه ساعتين على بال ماتفك الكشره وبالمقابل عنده عم يحط دوبه من دوب ولدي هذا ولازم ينرفزه ودايم في مشاكل معاه العم يحب ولدي بشده لكن تصرفاته تخونه يعني مثلاً يقرصه أو يرمي عليه نوى التمر أهم شي يستفزه وولدي الله يهديه كان توه صاحي لصلاة العصر صلى وراح عند عمانه المهم ياكل في التمر ويرمي النوى على ولدي وراح ولدي خبا حذيانه كردة فعل وانقهر العم وشاله من وسط المجلس وضربه كف يده وسمت في وجه ولدي وجاني يالله يالله يلقط أنفاسه وانقهرت مررره مررره وانهرت وجلست أبكي بكاء المكلوم إلي مابيده شي والمشكله زوجة عمهم أختي يعني حاولت أمسك نفسي على أقصى حد واجتمعنا المغربيه عند أمي وولدي جا وسألوه خواله وألحو عليه بالسؤال اش هذا إلي في وجهك وأنا أأشر له من بعيد لاتعلم لاتعلم لأن بتجي لها تبعات وأنا أنسى وأخواني ماينسون ومن عصر وأنا حزينه مكلومه دموعي مو راضيه توقف من القهر ملاحظه يابنات عم عيالي يحبهم مررره ولو احتجنا شي يقوم من عز نومه ويجيبه لنا بس مادري اش صار عليهم وعلى فكره دايم هذي حركات العم الهبال والضرب بس انقهرت من منظر ولدي يم جاني يبكي ووجهه أحمر وزوجي سوا إلي عليه صراحه هداني وطيب خاطري وااتصل على أخوه وعاتبه شوي وقال خلاص أنا بكره أعتذر منه ويصير خير ولدي عليه الحزن ساكت مايكلم أحد وأنا إذا شفته بالمنظر هذا انقهر زياده الله المستعان بس