زوجي عقيم وخيرني بين امرين😔😔ابي نصحكم محتاره

فكري بكل شي وشوفي الي يريحك
يعني بيوم من الأيام لو فكر يتزوج ماتقدري تمنعيه عن الزواج لان خيرك قبل وصديقتي مثل وضعكم بالإنجاب وتزوج رجالها عليها وربي رزقه من الزوجه الثانيه وحده تقرب لي بعد تزوج عليها و رزق الأولى وفي بعضهم رزقو الثنتين

الاستغفار والحوقلة والتسبيح والدعاء مع قيام الليل والصدقة والاخذ بالاسباب والعلاج بالتغذية نافع جدا باذن الله عزوجل

اعوذ بالله اشوف كثير يلمحون لها انها تتطلق من زوجها ويجيبون لها قصص ناس حولهم يعني معقوله ماحولكم غير ذي القصص فلانه سحب عليها زوجها وتزوج وفلانه بعد ماتطلقت ربي رزقها وفلان عقيم وبعد ما اخذ الثانيه ربي رزقه من الثانيه ماعندكم قصص فلانه صبرت هي وزوجها وما شاء ربي رزقهم معقوله ماعندكم غير القصص الي تجيب اليأس لاحول ولا قوة الا بالله قولي شي فيه خير تخلي الناس تدعي لك عجزانه تقولين تقربي من ربك واستغفري وسبحي ؟
انا حالي مثل حال صاحبه السؤال الي انا شايفه اكبر غلط انك تشاورين ناس هنا بعضهم ما شاء الله فيهم خير وبعضهم نسأل الله العافيه
كرهت ادخل هنا واقراء تعليق البعض الي يجيب الهم
وانا حولي كثير حريم صابرين على رجالهم ورجالهم من حالات الصفر وربي رزقهم لا تزوج عليها زوجها ولا صار شي الحمدلله
الله يبشرك ويبشرني ويبشر كل متأخرة بالحمل الذرية الصالحه عاجلاً غير اجل
ونصيحه لا تسمعين لتعليقات الي تجيب لك اليأس

انتبهي لايضيع عليك العمر
السنين تمر بسرعه بدون تحسين
انا تزوجت متاخر جدا وعمري ٣٦
والحين عمري ٤٣ وللحين ماحملت
اذا بجد تحبين زوجك وهو رجل يستحق انك تجلسين معاه فنصيحتي لك أنك تبدأين علاج قوي جدا لكم سوا والرقيه والدعاء والصدقه والاذكار
واحس علاج الرجل اسهل من المراه ما ادري يمكن انا غلطانه
واهم شيء لاتضيعين وقت ابد
المرأه بمجرد تدخل الاربعين يصبح حملها صعب جداً جداً
وفكري كم طفل تبغين تنجبين وكم طفل تحلمين يكون عندك!!
الحين عمرك ٣٣ وماتدرين وش المشاكل الي بتواجهينها عشان تحملين
وهل تضمنين انك راح تحملين بعد كل ولاده !!!!


لاتضيعين لحظه وحده
استخيري الله وفكري وحطي كل شيء قدامك
وهذي حياتك انتي اولاً وآخراً
وبصراحه لو كنتي انتي العقيم وش كان بيسوي زوجك؟
اسالي نفسك هالسؤال!!
هل بيجلس معاك عشانه يحبك
او بيفكر يتزوج عليك وبيقولك لك الحريه ياتجلسين معاي ياتتطلقين
كذا يسوون بعض الرجال
فما ادري اذا زوجك منهم
والله ودي افيدك
بس قلت لك نظرتي انا للموضوع
والله يوفقك ويدلك للي فيه خير لكم يارب

والله كلامك صح ميه بالميه

الرجل لو بغى شي سواه مابيجلس يفكر ويستخير ويستشير ويتعب زي المراه
المراه مشكلتها عاطفتها تغلب كل شي
وتغلف عقلها خلااااص معاد تعرف تفكر