شاركي في النقاش

سجلي الدخول لإضافة تعليق.

التعليقات

82
  1. صاحبة الموضوع
    نجمة في السماء١
    الله يرحم اختك ويصبرك ويعوضك والبنات ليش ماتكلمون ابوهم يوفر خدامة تساعدك
    ماقصر ابوهم موفر خادمه لكن مثل ماانتي عارفه البنات دايماً لهم احتياجات ماتسدها الخادمه وانا حريصه جدا بأني مابيهم يحسون بألم فقدان امهم خصوصاً انهم هم بعد شافوها تموت قدام عينهم 💔
  2. صاحبة الموضوع
    توت البراري
    الله يبااااارك فيك و يجزاك خير اللي تعمليه إنجاز كبير و باب أجر عظيم لو شعرتي بحزن عميق استعيذي من الشيطان ، لأن الشيطان حريص على إدخال الحزن لقلوبنا لأن الحزن يضعف النفس و يثبّط الهمّة و يعيق عن الخشوع و العبادة ، بالعكس افرحي و استبشري…
    اللهم لك الحمد
  3. @mnonagh

    اصعب احساس انك تكونين عايشه بين الناس وماتحسين بطعم الحياه
    لافرح ولاسعاده ولا تفاؤل بالقادم
    داخلك شعور بالحزن وخوف مسيطر عليك
    بسبب الصدمه
    صدمتي بزوجك ونهايتك معاه
    بعدها وفاة اختك الله يرحمها ويغفر لها ويعفو عنها ويجعل منزلتها مع الانبياء والشهدا والصديقين
    عزيزتي.
    امرك سهل
    وحله اسهل باذن الله
    كلامي مو طبطبه لك
    لاني مريت بنفس هذي الحاله
    مريت بظروف وفاه وفقد
    خلتني اناظر الحياه بمنظور ليش نفرح ونهايتنا موت
    واناطر الناس اقول معقوله يضحكون ويحسون بسعاده بداخلهم
    عندهم تفاؤل
    فيهم فرح
    لهم رغبه في كل شي جديد
    حسيت ماتت مشاعري فقط حزن وخوف وقلق وتوتر
    الحمدلله الحمدلله الحمدلله انها فتره وعدت
    انتي فقط تقدرين تخرجين نفسك من هذا الوضع وهذي المشاعر وترجعين الالوان لحياتك وتخلينها زاهيه
    اول الطريق استعيني بالله فما خاب من استعان بالله
    لازمي الاذكار و الصلاة على النبي والتسبيح والاستغفار ولاحول ولاقوة الا بالله
    لايفتر لسانك عن ذكر الله ففي ذكره راحه وطمأنينه وفرح وامل
    ادعي
    الدعاء سلاح المؤمن في الحياه
    رددي ( اللهم ياجبار السماوات والارض اجبر قلبي جبرًا يتعجب منه اهل السماوات والارض)
    ورددي اللهم اشرح صدري بسجودك و باوقات الاستجابه
    اوتري وادعي
    المصحف انيسك في الحياه والممات
    كل يوم اقري جزء
    لايمر يوم بدون قراءة جزء من القران
    قسميه على اليوم هذا الجزء او بجلسه وحده اقري
    اذا قدرتي تغيرين وضعك
    يعني ترجعين لوظيفتك او تبحثين عن غيرها
    اذا تقدم لك من ترضين خلقه ودينه تزوجي
    غيري من روتينك
    الكل بيعيش وبنات اختك الله يرحمها بيعيشون وبينجبرون ويمكن انجبرو عن فقد امهم
    لايمر عليك الوقت والسنين وانتي داخل الحزن والخوف وتفوقين بوقت فات الفوت
    ضرووري ترجعين للحياه
    الجميع بيموت مااحد بيعيش خالد مخلد
    طمني قلبك وروحك ان الموت نهايته الحمدلله لقى
    وخلي الدعاء ملازمك لانه الله الي بيرد الطمأنينه لقلبك وكل مادعيتي كل مازاد ايمانك ويقينك واي ظرف يمر عليك مؤلم تكونين سبحان الله متماسكه من الداخل والخارج

    اقري سورة الناس فهي تمنع باذن الله الوسواس
    والله يشرح صدرك

تابعي تجارب أخرى من هذا القسم.