شاركي في النقاش

سجلي الدخول لإضافة تعليق.

التعليقات

126
  1. قررت اقول موقف واحد بس من المواقف الي مرت علي والي تكذبني كلن يرى الناس بعين طبعه
    اساسا انا نفسي ماني مصدقه كيف في رمضاااان الموقف صار في رمضاان بالذات الوقت الي تحبس الشياطين فيه ومعروف هالشي
    مالكم في الطويله
    قررت امي انها تروح عند امها فقمت انا وحرمة اخوي نجهز شنطتها وحن نجهز الشنطه طاحت رضاعة بنت اخوي من السرير لحالها ناظرنا انا وحرمة اخوي في بعض وقلنا بسم الله الرحيم واستعجلتنا امي لاان خالي عند الباب وراحت امي وقالت حرمة اخوي انها بتروح تنام شوي عشان تساعد الحريم في المطبخ انا قررت اني اكمل ختمتي باقي كم جزء واخلص ولعت المكيف والنور كله وبديت اصلا اخاف
    عشان اكسر خوفي رتلت القرآن بصوت عالي ووصلت عند الآيه الكريمه ﴿يَعْمَلُونَ لَهُ مَا يَشَاء مِن مَّحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَّاسِيَاتٍ﴾
    فجاءه دون سابق إنذار بديت اسمع صوت بناء وقربعة قدور وصوت حف اخشاب وكنس بالمكنسه الخشب سكتت قلت اكيد يتهيأ لي تعوذت من ابليس وحاولت اهدي نفسي عدت من مكان الايه عشان انا وقفت ماكملت تعوذت من الشيطان وقرأت الآيه من جديد ورجع نفس الصوت وااااضح جدا خفت وقمت اركض ونزلت تحت لقيت ابوي في مجلس الرجال جالس يقراء قرآن ارتحت قلت بدخل اكمل واقراء عند ابوي اول مافتحت القرآن صار كل شي اسود في اسود ماعد شفت قدامي فتحت لقيت ابوي على راسي يصحيني ويرش على مويه ابوي مب عارف وش يصير معي ماعلمت احد قال ابوي يمكن انتي دخلتي من الصيام روحي ارتاحي قلت بنام هنا عندك طبعا انا خايفه قال لا روحي مجلس الحريم بيجون رجال يسلمون علي طبعا نبهت على الي في المطبخ انهم يصحوني قبل المغرب لايخلوني نايمه للمغرب نمت وصحيت وانا مفزوعه على صياح الحريم في المطبخ كأنه شي احترق ورحت اركض كأني مهبوله ولما وصلت المطبخ لقيت كل شي طبيعي طبعا واحده من حريم اخواني لاحظت الشحوب في وجهي سألتني قالت يافلانه وش فيش قلت مافيني شي وهاذا وماتكلمت وماعلمت أحد .......
    تبون بارت ثاني 😭😂😂😂😂
  2. @om_yahia_1998

    زهره التولين
    قررت اقول موقف واحد بس من المواقف الي مرت علي والي تكذبني كلن يرى الناس بعين طبعه اساسا انا نفسي ماني مصدقه كيف في رمضاااان الموقف صار في رمضاان بالذات الوقت الي تحبس الشياطين فيه ومعروف هالشي مالكم في الطويله قررت امي انها تروح عند امه…
    اي نبي بارت ثاني 😂

تابعي تجارب أخرى من هذا القسم.