صراخ زوجي وعصبيته

ياقلبي والله نفففففس زووووجي
كنت بتركه من الملكه بسبب هالطبايع
لكن كملت وقلت بيتغير
له الان 12 سنه زي العفريت صرااااااخ وعصبيه
عياله كرهوه وجابلي الضغط
هو فيه عقد نفسيه من قسوووة التربيه عليه وهو صغير .. ويفرغ عقده فينا
دايم اتمنى يرجع الزمن فيني وارفضضضضه
والله محروق قلبي لكن نصيبي بالدنيا

شوفي حبيبتي نادر ارد نادر لكن الله يجعل كلامي خالص لله .
تجربتي ومتزوجه الان وبفضل الله تعالي لي 3 سنوات
يقول لي بالحرف ((أنا خاتم بيدك)) هذا اقل كلمه غير حسن المعاملة والاحترام والتقدير
يقول والله استحي منك من حبي وتقديري لك .
طلباتي مايقصر فيها ووده يجيب اضعاف ما اطلب رغم ماديته وديونه .
المهم اعلمك تزوجته وانا عصبية وهو عصبي انا مندفعه وهوذ كذلك كلن براسه افكار عن الزواج كل طرف يبي يفرض نفسه وانه هو الصح
اوقات اعصب وانا سااااااااكته اطق من جوااا اولع ببداية الزواج السنة الاولي ماودي اتذكر بعض المواقف
لكن ماكنت اقل ادبي او سب وشتم لا لكن اعصب واكشر واقلب وجهي وايام ماكلمه
وهو يتجاهلني تماما ...كنت فعليا أطق
المهم قلت يابنت وصرا انظر للجوانب الايجابية واطور نفسي واقرا كتب واتابع فيدوهات عن الحياة الزوجية والشخصيات وحسن المعاملة واحتساب الاجر واهدي نفسي مره قال لي كلمة مانساها ابدا ((( كله من صحتك ونفسيتك بيجيك ضغط وسكر وأمراض والله ماحد نافعك ))
كان يصبر علي اوقات ومرات يعصب ومرات اجرحه بالكلام ويرد علي واتس وهكذا كانا بحرب مو زواج .
قريت كتاب اسمه ((فكري كرجل وتصرفي كسيدة)) موجود نسخه منه بالنت كتاب عظييييييييم غير تفكيري 360 درجه
وركتاب (( رجال من المريخ ونسا من الزهرة))
غيرو تفكيري عن الرجل ونظرته للامور والمواقف والعواطف وووووو
اخذت عهد ع نفسي صحتي ونفسيتي رقم واحد
احسن معاملة زوجي واحتسب الاجر
اعامله كويس ماقصر معه
اناقشه بهدء
الشي الي يعصبه ابعد عنه واقول بسبب غيرته علي مثلا خوفه علي
وهو معصب ماااااااااارفع صوتي اتذكر مرتين رفعت صوتي والله لما قال لاترفعي صوتك استوعبت اني معصبة ع شي مايستاهل
خفضت صوتي ولما هدينا اعتذرت وبست راسه ويده .
هذا غير محبته لاهلي ومخلي لي قيمه عند اهله ولا اعدد لك المواقف الحلوه بفضل الله
هو يقول تغيرتي وانا اشوفه تغير لكن الصح هو انا فهمنا بعض زييييييييين .
والحياة مو كامله وكلن عنده عيوب الحياة الزوجية مو حرب
والله الرجال التعامل معهم مثل الاطفال . اتركيك من كلام النسويات والتحريض على الرجل والله كلامهن خراب بيوت
حياتك انتي عيشيها بصحه نفسية وجسدية كويسة .العصبية دمار للصحه والله حتي البشرة تتاثر,
اذا عصب طنشيه مع الوقت والله هو يركض يراضيك .لاتخلي زعلك ماله قسمة ازعلي عالشي الي يستاهل.
لاتنسي الضغوط المادية والوضع المعيشي الحالي لكثير من الاسر ارتفاع اسعار البنزين والكهرباْ ووضرايب .
ارحميه يختي يرحمك الله ويسخر قلبه لك باذن واحد أحد.
الااااااااااااا لو عصبيتيه لا تطاق اهانة ضرب تعنيف يستخدم مممنوعات ووووو هنا اقول لك وقفة وستوب.

تذكرت موقف بالضبط زيك ولنا شهور متزوجين رحنا محل بسوي كنب كان جنب بيت اهلي ومتعودين عليه ههههههههههه
المهم كنت عارفه اسعاره زين فلما ساله زوجي عن شي قال السعر كذا وكان مبالغ رحت انا درعمت واقول لااااااا ليش سعر انتا كذا ووووو
قدام زوجي ارادد العامل عطاني هذيك النظرة وقال مشينا ..بالسيارة كان معصب قال شوي تاكلي العامل علامك انتي
قلت انا اعرف اسعاره نصاب هذا ههههههههههههههه وسكت وبلعتها
بعده بكم يوم وداني محل والله احلي من الي دخلته واغلي كمان وسويت احلي من الي ببالي .
وهو مبسوط ..
يختي كل الرجال كذا خذيها من باب الغيرة وطنشي عطيه جوه ابشر وتم ومن عيوني تامر امر ومن هالهرج
هرررج يابنت ماغير هرج تاكلي بعقله حلاوة

الله يسعدك ولايهونو باقي العضوات الكل جزاهم الله خير
الي عندك اشوى يسمح لك تعصبين انا مايسمح لي اعصب اصلا لوارفع صوتي واعصب بينجن
اناقشه عادي وصوتي هادي يصيح بقوه ويضرب الدرقسون وشوي وينجلط لو اعصب مثله وارفع صوتي بتصير حرب عالميه
مايبغى لي راي واكون ماشيه وراه والكلمه كلمته والشور شوره حاولت افهمه يقول لا انتي مسويه انك قويه! يعني لاقلت رايي بشي اوموضوع يحسب اني اسوي اني قويه وانه خيخه وماله وجود واني فاهمه اكثر منه وجلست اكلمه بهدوء افهمه قال لا بقولك موقف واحد دخل محل وحرمته تتكلم وبعد ماطلعو قالو والله ان الحرمه تتكلم اطلق منه ! قلت حنا موبحرب مين اطلق من الثاني ومبن احسسن من الثاني حنا مكملين لبعض يقول لااذا عندك راي تاخذيني ع جنب وتقولينه لي وبصوت واطي ماتتكلمين بصوت عالي ولاتسالين العامل وصوتك عالي مره مره والله انه يكذب صوتي عادي موعالي ابد بس يبي يطلعني غلطانه باي شكل واذا عندك شي تقولينه لي حتى لوتهاوشيني بيني وبينك موقدام الناس!! وشديت معه بالنقاش قعد يصيييح بقوووووووه بقووه ويناقش ويجادل وانا انقهرت وناقشته تعبني مره
عصبي ودمه حار مايعرف الروقان والهدوؤء ويبي كل شي من كيفه وع مزاجه وانا خلاص انطم واسكت وارضى باي شي هو يقوله وامشي وراه بدون لاحس ولاصوت
يبي يلغي كياني وشخصيتي انا من حقي اسال واقول رايي انا موجاريه ولاعبده عنده اناانسانه وشريكه حياه والحياه ماهي بس اوامر الحياه اخذ وعطى ومشاركه وتفاهم
تعبني جدا موعارفه اتصرف معه وادري ماينقال هالشي حتى بالعلاقه الخاصه اذا مابغى شي يصر علي ويضغط علي ويسبب لي كدمات عشان ياخذ الشي الي يبيه حتى لومابغى ولواكرر الف مىه اقول لا ماهمه
هذي موحياه تعبت منه هذا مريض مو ادمي فاهم

والله والله كنك تتكلمي عن زوجي
ياااااه اخيرا شفت حد يشبهه
انا مثلك رفض حتى اني اكمل جامعه وقلت بدفع من فلوسي ورفض قال تبين بكرا تقولين انا جامعيه وانت ثانوي .. ويرفض انزل برامج بالجوال محررررم كلللل شي علي ومتنرفز 24 ساعه ويموووت الا يطلعني غلطانه وغبيه ولازم اكون تابع له واسمع كلامه بالحرف ..