ابي كلامكم ودعواتكم مخنووووقة ياربي لك الحمد

امك مريضه نفسيا واهلك يخافون منها
الغلط مو فيك فيها
قوي شخصيتك واذا جا احد يخطبك روحي المحكمه وخلي القاضي يزوجك

صدقيني الفرج قادم بس عليك بالصبر..
اصبري واستمري على ماانت عليه من خير وصلاه وذكر وبإذن الله بتلاقين الفرج..


اعرف وحده قصتها شبيهه من قصتك وصديقه لي وربي عوضها عوض جميل وزوج صالح ماتتخيلين..


انت الان في فترة امتحان وابتلاء من الله دايماً تذكري هالشي ودايماً تذكري انك مأجوره..
اذا المسلم اذته شوكه يؤجر كيف صبرك على الاذى من أهلك واقرب الناس لك..


عليك بصلاة الليل والدعاء والاستغفار من قلب، الاستغفار مع استشعار ذنوبك وتقصيرك وبإذن الله فرجك قادم..


الله يعوضك ويجبر قلبك ويريحك يارب ❤️

الله يفرج همك ويحنن قلب امك واهلك عليك ياارب
والله يعوضك العوض الجميييل ياارب العالمين

انتي اعتبري امك مريضة نفسيا و قولي بخاطرك الحمدلله الذي عافانا مما ابتلاها به
لأنها فعلا ماهي طبيعية و الله يكون بعونها ، مرضها يضرها هي بالدرجة الأولـى


لو هي تؤمن بأقدار ربي خيرها و شرها كان احترمتك و دعت لك و سكتت
مو تسوي كذا
وأهلك يخافون منها ومايبون مشاكل مع الطرف الأقوى


انتي اعتبريها مو صاحية ، لكن لا تعقينها


وأكيد الفرج قريب مافيه حال يدوم العمر كله

شكرا لكل من ردت علي ودعت لي ،،، كلامكم والله جبر خاطر الله يرزقكم كل ما تتمنون ...
والله العظيم اني تعبت تعبت ياربي اذا هي امي وش خلت للناس والاغراب ... انتم مو متخيلين كيف اقاوم بس عشان يعدي يومي بدون مشاكل ... كيف كلامها واستنقاصها واستثقالها لي .. وعلى هالحال من لما تطلقت ،،، لكن حسبي الله ونعم الوكيل .. دام ما جربت الاهانة ولا الطلاق ولا فقدت شيء تحبه ليه تاذيني وتضرررني .. والله العظيم ان ماعاد لها بقلبي ذرة شيء فقط الا اسم انها امي ..... احس مستحيل اني احس شعور الام وبنتها وحنيتها ..... مستحيل انسى افعالها مستحيل.
اغلب وقتي بالغرفة او السطح يعني لحالي معتزلتهم .. لكن مع كذا ما يخلوني ..
الله يفررج همي يارب ....