الخطوبه والزواج والدراسه...

السلام عليكم:26:
انا عمري 19 سنه وادرس بالجامعه ثاني سنه..
وحاليا انا مخطوبه يعني تقريبا من اسبوع بس... والمشكله انه انا ماكان ودي احد يدري بالخطوبه.. لانه انا اجلت الزواج لبعد سنتين تقريبا يعني موب الصيف الجاي اللي بعده بإذن الله علشان الدراسه.. تعتبر فتره طويله..
بس الظروف صارت ضدي وكل اقرابنا تقريبا عرفوا بالموضوع لانه خطيبي يقرب لي..
فاضطرينا نعلم بالموضوع...
فأنتم وش رايك هل عادي ان الناس يدرون بالخطبه من بدري؟

والشيء الثاني... الزواج ان شاء الله بيصير بالصيف وبعده يبقى لي تقريبا سنه ونص وانا مرررررررررره شايله هم التوفيق بين الدراسه والزواج احس انهم مسؤليتين كبار مررررررره علي واخاف افشل بوحده منهم لا سمح الله....
يعني هل قراري سليم اني ادرس واتزوج بنفس الوقت والا راح اتحسف؟؟

والشيء الثالث<<ادري كثرت الاسئله عليكم بس اتمنى تفيدوني
هل سني مناسب للزواج والا صغيره؟:22:
...................................
وألف شكر لكم..:)

4 تعليق 1,273 مشاهدة

شاركي في النقاش

سجلي الدخول لإضافة تعليق.

التعليقات

4
  1. @dloaa_aboha23

    الله يوفقك يا قلبي ويتمم لك على خير

    اول شي عادي اقاربكم يعرفو بالخطوبه ما فيه مشكله
    وبالعكس احسن عشان ما تجي وحده من قريباتك تحط عينه عليه.......خخخخخخخخخخخخخ

    انا يا قلبي تزوجت وعمري 18 سنه وكملت الجامعه وجبت بنتي وانا طالبة في ثاني سنه وحملت بولدي وانا اخر سنه
    والحمد لله قدرت اوفق بين دراستي وبيتي
    وما اعتذرت ولا ترم
    وترى يا قلبي انا معاي مرتبه شرف بعد
    شفتي كيف مو صعب لكن اهم شي زوجك يكون متفهم وانتي تكونين منظمه ومرتبه

    الحين عمرك 19 ولما تتزوجين حتكونين ان شاء الله على ابواب ال21 بالعكس العمر مررره مناسب ومو صغيره بالعكس انا احس اللي تبي تتزوج يكون عمرها فوق ال20

    والله يوفقك يا قلبي دنيا واخره
  2. @toty_9

    هلا ياقلبي
    الله يوفقك وييسر لك امورك
    سنك مرررررررة ناسب للزواج
    والتوفيق جداً بسيط أكثرنا تزوج في سن صغيرة ووفقنا بين دراستنا وأزواجنا
    بس مثل ماقالت دلوعة أبوها التنظيم أهم شيء وتوزيع المسؤوليات
  3. @km_alshmokh

    توتي 9
    هلا ياقلبي الله يوفقك وييسر لك امورك سنك مرررررررة ناسب للزواج والتوفيق جداً بسيط أكثرنا تزوج في سن صغيرة ووفقنا بين دراستنا وأزواجنا بس مثل ماقالت دلوعة أبوها التنظيم أهم شيء وتوزيع المسؤوليات
    الله يوفقكم لما فيه الخير

    من راي عادي لو عرفو الناس عن الخطوبه

    وترى التوفيق بين الزواج والدراسة مو صعب بس يبيلة تحمل وصبر

    أنا متزوجة وعمري 17 وكنت ادرس والحين معي طفلين والحمدالله ماشيه بالدراسة

    وتقديرين اذاتزوجتي باذن الله تنظمين حملك علشان الدراسة

    والله يوفقك
  4. @fshfash

    صاحبة الموضوع
    ألف شكر لكم يااخواتي....
    والله انكم وسعتوا صدري بهالردود..
    الله يخلي لكم عيالكم ويسخر لكم ازواجكم..

تابعي تجارب أخرى من هذا القسم.