ابي كلامكم ودعواتكم مخنووووقة ياربي لك الحمد

قريبتنا نفس وضعك ..الأم تعاملها بطريقة مستفزة وتعايرها ..
والأب والأخوه وضعهم متذبذب ...السند كان خواتها
وفعلا ضغط البنات المتزوجات واللي معها بالبيت شكل فرق
بحياتها ورجحت كفتها
وعاشت وتزوجت
اطلبي من خواتك المساعده ..حنني قلوبهن اشرحي وضعك لهن يمكن فاهمات غلط
الله يسخرهم لك

الله يسعدكم ما قصرتو ..
عارفين معنى ٦ سنوات وانا صابرررة يعني مافي شيء يسليني ياخذني من واقعي الا سويته وكل هذا عشان اكتم المي واتحدى الكل اني قوية كملت دراستي وطنشت دخلت دورة انجليزي وطنشت قاومت بما تعنيه كلمه قاومت ...

لكن وصلت لمرحلة ما عاد اقدر اتحمل ضغطهم واهانتهم لي وكاني ما احس او شيء ... وخاصة بعد ما انخطبت وعسرو علي بحجة انهم الفاهمين ان الي يسوونه صح ...وينهم اول لما زوجوني مطلق وعنده اطفال ولما طلقني ورجع لها ... وينهم ما قالو له حتى هل الخطا من بنتنا او لا .. والي كنت ابيه واتمناه رفضوه .. اما الاشكال الثانية يا متزوج او كبير بالسن يبونه لي ويقولون تزوجي حسبي الله ونعم الوكيل..

انا اعطيت لان العطاء يغير بعض الناس لكن الي لاحظته كل ما اعطيت داسوني وذلوني اكثر فقررت اكون لنفسي وبس ..
لما تقولون كلمي امك وقولي لها وووو .. على بالكم ما تكلمت ما فهمتها لما اتكلم معها تقول انتي عاقة ما تعرفين حتى تتعاملين مع امك انا ما ربيتك .. تدورن حتى طبخي ما تاكل منه حتى اذا كنت جالسة بمكان ما تجلس فيه .. يعني باختصار وكاني عدوتها وكاني شيء منبوذ ... ومحسستني بالشيء هذا ..
حتى لما تخرجت من الماجستير على بالكم وش كانت تقول واذا تخرجتي من الماجستير وش يعني الناس ترسل لي وتبارك لي وتحط حالات بالواتس وامي لا تقول لا ما يهمني ... فشلتني قدام الناس لكن والله ما همني تعودت على عدوانيتها ... تكره ان احد يهتم او يسال عني ما تحب تغااااااااااار اعوذ بالله..
وخواتي المتزوجات ما همهم ولا حاسين وحتى لو حاسين يخافون يوصلون للي انا فيه... عشان كذا كل وحدة مشغولة بنفسها وحياتها ..
اللحين صرت مع نفسي وبنفسي وبس ...ًواحاول ادور لي وظيفة احاول اتناسى الحمدلله على كل حال .... يارب فرررجك علي من اوسع ابوابك يارب

اختي معليش باسألك هل كانت امك تعاملك كذا قبل زواجك وطلاقك؟
اذا كانت معاملتها قبل افضل فممكن من حرقتها عليك تسوي كذا بس طريقتها غلط.. وكلها اقدار من رب العالمين
تصرفها اكيد خطأ لكن ممكن يكون هو السبب فشوي تعذرينها ومايظل معك شعور انها مستقصدة تأذيك
اذا تبغين رقم مستشار اسري ممكن يساعدك ويعطيك بعض النصائح فاكتبي لي ادخل لك بالخاص
وربي يفرج همنا وهمك عاجلا يارب

حسبي الله ونعم الوكيل في كل ام تظلم بنتها وتحطمها وتدمرها
مشكلة الاعلام ينسون الام المتسلطة والظالمة
كل كلامهم عن الام مدح في مدح والواقع مر فيه امهات بلا رحمة وبدون قلب
على فكرة نفس وضعك كثير بكل اسف ! حتى نفس تفاصيل حياتك يعزلونها في الاكل والشرب وتشتري من ضمانها
تفاصيل حياتك غيرك يعيشوا مثلها واسوأ
فيه اهل اذا تطلقت بنتهم اساءوا لها وبهدلوها حتى لو تاخر زوجها يعاملونها كانها السبب >> مرضى نفسين
بدل مايوقفوا معها يزيدوا همها هم حسبي الله ونعم الوكيل
انصحك قدمي وظايف توظفي اقلها نص يومك بيكون برى البيت وترتاحي من اذى امك
لما اقرا قصص ومشاكل نفس مشكلتك اتحسب على الامهات الي مايخافوا الله
وعندنا في العائلة امهات متسلطات شريرات مرضى نفسين كثير
منهم يحسدون بناتهم ويغاروا منهم ومنهم تطرد بنتها اذا زارتها
امهات اخر زمن يحتاجون اعادة ضبط مصنع لعاطفة الرحمة والامومة
وفيه امهات عندهم كراهيه للبنات بس يحبون الاولاد
لو بناتها شايلين البيت ويعطونها نص راتبهم وهدايا مايملى عينها شيء ابد تبي تذلهم وتهينهم
قلبها مليان حقد على بناتها
غريبين الامهات الي كذا لكن منزوعة الرحمة من قلوبهم الله لايبلانا
مبروك عطية فاهمهم صح الداعية المصري دائما ينصف العيال بنات او اولاد على امهاتهم في طرح المشاكل
عكس مشايخ السعودية والخليج يحكمون احكام ظالمة ويوقفون في صف الأم
مبروك عطية يبري ذمته امام الله لما ينصف العيال
اما مشايخنا يوم القيامة الام بتقول هو قواني على عيالي
هذا الشيخ السبب اني ظلمت واستمريت في الظلم ...الخ
الله يعين كل من يقوي شوكة الام على عيالها هما سبب من اسباب ظلم الامهات
كل شيء يحطونه عقوق


حاولي تدوري وظيفة
ثاني شيء دخلي احد من عائلتك واشتكي له على الي تسويه امك فيك
ورفضها لزواجك
دخلي وحدة تحسينها ثقة وحكيمة
الله يفرج همك يارب باقرب وقت ويرزقك ويعوضك خير

كلامك مثاليات وخرابيط بعيدة عن واقع البنت ومعاناتها اسمحي لي
البنت تعاني
امها تطردها من المطبخ
تقولك تجلس في كرسي في السطح طول اليوم !!
انتي ماعندك احساس فيها ولا في معاناتها لانك موعايشه حياتها
البنت امها متسلطة وقاسية وقلبها اسود وتحب تذل بنتها
وهي سوت اشياء كثيرة لامها
حتى هدايا جابت
ماقصرت مع اهلها لكن اهلها ظلمة مايخافون الله
تقولك امها تطردها
انتي تحسين بكل كلمة كتبتها بالمها معانتها
ردك في وادي وحياتها في وادي
حتى ردي انا كنت اقولها انتي موالوحيدة بكل اسف
مثل امها كثير امهات يوم القيامة الله بيقتص لعيالهم منهم
فاهمين حقوقهم غلط
للاسف ردك ابعد عن الواقع
الله يفرج عنها انا مابيدي شيء غير ادعي لها
لوعشتي جزء من معانتها عرفتي ان ردك مجرد كلام فاضي سامحيني
ارجعيي اقري المعاناة الي كاتبتها يمكن تحسين فيها
صادفت مثلك مستشارات وكلامهم كله فاضي
مو كل من تخصص في مجال يتقنه
حسوا في الناس حطوا نفسكم مكانهم قبل تردون ردود ان الحياة ورديه وتعيشونهم في وهم وكلام فاضي