مواقفكم مع الدراسة عن بُعد🔥هلمّوا ي امهـاآتْ✈️🥳

اليوم كان اول يوم دراسة اون لاين عندنا
عيالي كبار بالثانوي ..كل واحد بداره ..ادخل واطلع عليهم ما اتكلم مع ان المايك مقفل بس اخاف من كثر ما نسمع هالسوالف
صراحة ما ادري شلون بيدرسون ولا بيفهمون ..الله يعديها على خير وترجع لنا مدارسنا

هههههههه
انا ضايقني ان الاباء حاضرين الدروس ويسمعون صوت المعلمة لييييييش !!!

بداية الدراسة تعرفين حوسة تقفيل المايكات وفتحها،
صديقة بنتي نست المايك مفتوح وصارت هوشة بين الام والاب
ففتحت المايك وقلتلهم قفلوا انتبهوا عالمايك، ياهوووه، يامسلمين،،، لكن للأسف ماحولك احد والأصوات ظاهرة مرة
في الاخير خليت بنتي تزهم اسم صديقتها وفجاءة انتبهت البنت واخر شي سمعناه شهقة الام واختفى الصوت 😂
بس المحزن ان الطالبة ماعاد دخلت من ذاك اليوم...


اما موقف بنتي،، بنتي الله يهديها تتحمس تبي تشارك وبس.
حتى لو مو عارفة الإجابة وقد حذرتها بطلي هذي الحركة هي صف ٢
وذاك اليوم تجي متحمسسسة انا استاااذة انا استاذة قالت يللا ي فلانة وفتحت المايك وبلللمت، وقعدت تشدني وش الإجابة وش... غصب عني انفجرت ضحححك عجزت اقاوم وقامت تضحك المعلمة معنا.
ومرة طلع صوتي وانا اشهق اقول خييير انقطع النت أو ايييش.... بس طلع وقتها المايكات كلها معلققة.


بس أكثر موقف ضحكني المعلمة اللي نست المايك مفتوح وزوجها شكله يناظر فيها فقعدت تقله لف عننني، بطل تناظر فيني كذا،،، استحححي 😂

بنتي صف ثالث المعلمه تقول قفلوا المايكات لاحد يتكلم
وتجيك بنت طبلونها مليون تفتح المايك استاذه انا مقفلته😡😡😡😡

اقرا الموضوع واضحك..


والله ياعاشقه اقدر اقول انك جداً محظوظه لان ماعندك منصه 💔🏃🏻‍♀️..


انا وولدي ملاحقه طوال اليوم🏃🏻‍♀️، والشرح اللي ياخذه في المنصه مايستوعب اغلبه واضطر اعيد الشرح من اول الجديد، فطول اليوم مذاكره ومنصه..


الله يهديهم يارب..


ماصار موقف معاي بس صديقتي ولدها ياخذ المنصه من ايباد وهو أولى ابتدائي ونبهته مايفتح الكاميرا، وهي كانت جالسه قدامه وفتح الكاميرا ويمكن جلست عشر دقايق ع الكاميرا شافها الاستاذ والطلاب 😩💔..


ولما اكتشفت انصرعت ولا احد نبهها اتوقع الاستاذ انحرج يتكلم، الله العالم 💔


الله يعين الأمهات ويكتب أجرهم..