ما احب ولدي 😔

اختي صدقيني ببتغيرين وتتغير نظرتك بتحبينه وتموتين عليه بعد
الان بس انسي فكره الطفل الثاني
انتِ مريتي بتعب حمل وولاده تغيرات جسميه ونفسيه واللي يصير طبيعي ..
ياما قلنا خلااااص مانحمل ونولد بس نشوف اطفالنا كبروا نشتاااق للبيبي الصغير وتشوفينا نركض ندور الحماله
هذه الدنيا وكلنا كذا انتي اعطي نفسك فرصه او لازم تراجعين طبيبيه نفسيه.

مريت بنفس وضعك
ابدا ما كنت الاطفال و اعتبرهم عنصر مزعج في البيت
و جبت بنتي الكبيرة و ما حسيت ناحيتها بالحب
كان احساس بالمسؤولية فقط
و واجبي اني ارعاها لانها امانة من عند ربي
و اعطيتها كل حقوقها ... ما كنت اخلي احد يشيلها حتى امي
اخاف تتعبهم و احملها لاني مفروض استحملها
بس سبحان مغير الاحوال بعد ما كملت سنة و احلوت حركاتها سرت متعلقة فيها
و بعدين ربي رزقني اخ ليها و عمرها ٣
بس كان احساسي ناحيته حب و اهتمام بعد ما فهمت معنى الامومة بعد بنتي

الله يهدي بالك وينزل على قلبك الرضى والرحمة بإذن الله فترة وتعدي .

تعالي لي بعد سنتين بالضبط لما يكبر طفلك وتتعلقين فيه ويتعلق فيك انتي اعتقد بفترة اكتئاب ..

نفسسسي قسم اول ماجبت ولدي البكر
ههههههه كان اذا بكى ارميه على السرير واقول لابوه انا ماابيه ماني مضطره اعتني فيه واسكته وهو مايسمع كلامي ويسكت
و كنت ارميه على ام زوجي وامي وانااااااااااام واذا شفته صحى وانا فيني توم احس احقد عليه مرررره
و ماقدرت افضفض لاحد بهالمشاعر الين كبرت هذي المشاعر وانقلبت ضدي و صار اكتئاب حاد و رحت لدكتور نفسي و عدها رحت لمشايخ وانا ماتمه بقلبي مافضفضت لااحد
لو اني فضفضت و سمعت تجارب الناس وعرفت ان هذا الشيء طبيعي ماكان صار اللي صار
بس زمان الوحده ماتقضفض تربي عيالها وهي ساكته ومنطمه لا يقعدون يتشرهون عليها وعلى مشاعرها
ياربي احس انا كنت مسكينه مرررررررررره مره
ومن كثر ماكنت اخاف اقعد من اي تجمع بنات ومااحب اسمع كلام عيب تخيلوا دخلت غرفة الولاده بولدي البكر وانا ورب البيت احسبهم بيطلعونه من بطني تخيلوا
امي ماكانت تسولف قدامنا اي شيء و كل شيء عيب عيب عيب
لكن كبر ولدي وبدا يمشي و حسيت اني تعلقت فيه و اشوف الناس يحبونه يموتون عليه وانبسسسطت و دايم اشتري له اشياء
وتحسنت نفسيتي مع العلاج النفسي و قعدت عاد افكر بالحمل هههههه النفس امارة بالسوء
قلت ليش مااعيد التجربه لاني مااستمتعت بالحمل والولاده والتربيه
تذكرت صح
ماعندي ادري وشو وحم بس احس بيتي كان له ريحه اثاري هذا الشيء طبيعي لكن انا ماكنت ادري انه طبيعي وكل يوم انظف البيت كل يوم احسب انه وسخ ههههه وكانت بطني كل يوم تمغصني و انا ساكته وكاتمه واقول يالله ليش بطني لها كم شهر توجعني وجع غريب لايكون فيني شيء خطير اثاريه وحم مالت علي استاهل لاني كنت حياويه بزياده و مااحب تجمعات البنات وسواليفهم ولااحب اسال امي واختي استحي موووت
الحمدلله وين ووين صرت
بس ماانسى يوم ارمي ولدي ع السرير واقول لهم خوذوه انا ماابيه مااعرف له و هو مايسمع كلامي