تعبااااانه صدق صدق صددددق
بنات ضايق صدري وجيت افضفض لكم.. انا موظفة وراتبي عالقد بس شايله مصاريفي الحمدلله انا واطفالي وامورنا ماشيه.. المشكلة ابوي مع الاوضاع الاخيرة فلس وخسر كل مشروعه وصار يطلب مني احول له كل فترة.. انا ماعندي مشكلة احول له الف كل شهر بس صارت ما تكفي.. قبل شوي طالب الفين وانا الاسبوع الماضي محولة الف.. ويبغاها كاش لان حساباته كلها موقفه.. والثلاث الاف تعادل نصف راتبي تقريبا.. وانا اصلا فلوسي طايره طلبات العيال ومصاريفهم ومصاريفي.. يادوب اكمل باقي الشهر.. متى ادخر واوفر ما اعرف.. والمشكلة ابوي لو اقول له المبلغ كبير يزعل بسرعه وممكن ما يكلمني شهر.. حتى لو اقول له دور لك مصدر رزق يزعل ويقول تمنين علي بفلوسك! يعني ما يبغى حل للمشكلة.. هو ماشاء الله بصحته بس خلاص مستسلم للوضع وكل وقته جالس بالبيت يشرب شاهي ويشوف التلفزيون.. وامي من وقت للثاني تطلب هي فلوس لانها ما تشتغل.. وبصراحة هم يطلبون من اخواني الباقين بس اخواني رواتبهم فوق العشرة ومو منفصلين ولا عندهم ظروف صعبة مثلي.. فانا محتارة ومتضايقة.. صرت اذا شفت مكالمة من ابوي اقول الله يستر.. بنات ودي اقنع ابوي يشتغل اي شغله دامه بصحته الشغل مو عيب.. بس هو يشيل هم كلام الناس وكلام الناس.. ومحسس الناس انه مرتاح ماديا زي زمان على حسابنا.. انا هالشهر دفعت راتب الشغالة والسواق وزاد الضغط علي لان اختي الكبيرة دكتورة وتجهز هالايام لزواجها وقالت لهم محتاجة تصرف على نفسها هالفترة.. وانا بصراحة خايفة تسحب يدها بعد الزواج وابلعها انا.. يعني فوق اني متكفلة بنفسي وثلاث اطفال اتكفل ماديا بمصاريف ابوي وامي.. الله اكبر والله لو راتبي زين ما حكيت.. بس جد تعبت تعبت.. ما ابي اخسر اهلي ولا ابي اخسر نفسي.. مو لاقية حل
