بنتي عمرها ١٣ تكلم ولد !!

افتحي لها حساب بالانستا وقفليه تنزل فيه رسوماتها والقصص اللي تكتب وانتي ضيفي لها الحسابات اللي تثقين فيها صديقاتها اللي تعرفينهم
و خالتها وعماتها عشان يكون فيه تفاعل في حسابها ماتمل

وادخلي من جوالك بحسابها تراقبينها من جوالك تعرفين وش يصير بالحساب ولا تعرف انك داخله على حسابها من جوالك

السناب نفس الشي لكن ماتقدرين تدخلين من حسابين زي الانستا
خلي لها وقت محدد وبعدها يتقفل المهم مايشغلها عن دراستها

احتوي بنتك لاتخلينها بروحها ابدا . بدال الجوال شغلي لاب توب لها حرام والله بزر صغيره واستودعيها الله وانتبهي للصديقاتها شوفي ايش وضعهن وكم اعمارهن والله يكفينا شر ذا الدنيا

السلام عليكم
كيف حالك اختي ؟
ابنتك تحتاج إلى أن تتحدث ...
و ان تجد أحد يستمع لها ...
و يعطيها العاطفة ...
خصصي لها وقتا للتتحدث و تحديث معها عن هذه المرحلة ...
و ذكريها دائما بالحدود في العلاقات بين الجنسين
و خوفيها بأن تتحدثي مع أحد في التليفون عن هذا الموضوع و اجعليها تستمع، و في نهاية النقاش مع صديقتك تحدثي عن الحلول التي على البنت التي أخطأت كيف تتعامل مع هذا الخطأ ...
على الوالد أيضا ان يسمعها دائما كلمات جميلة و ينظر لها بأنها أميرة ...
و اخيرا حاولي ان تجعليها تعبر عن أنوثتها، في المواقف الاجتماعية و غيرها ...
و الموضوع يطول
تحياتي لك
دارين العمرجي مستشارة نفسية و زوجية

رحمتها مخليتها تكرف وتعامليها كانه طفله
تراها مراهقه اعطيها الثقة وخليها تنزل برامج وتعيش سنها تتابع الفرق الكورية والاجنبية بشكل عام تلاقي بنتك متاخره في الثقافة واللغة بسببكم

الله يكون بعونك ويسددك لفعل الصواب في تربيتها. عززي ثقتها بنفسها ولاتكونين جداً صارمة لدرجة ماتنفتح لك.
ودي اسالك هل كنتي تسوين كذا تسولفين معاها وتمدحينها وتعززين ثقتها ؟ او مو كثير مقربه لك !؟
والجانب الثاني اعطيها الحب و امدحيها و شاركيها بالانشطه الي تحبها حتى لو هو تيك توك او سناب شاركيها عشان مايكون شغلها كله سري و تحاول تفضفض للاخرين . الله يصلح شانكم