هل انا غلطانة مع أبوي

حتى امي مقهورة ليش ماتنزل تساعدنا بالمواعين بس ماتحب تتكلم وصابرة عشان اخوي ماتحب تزعله وفي غيابه تنفجر

اذا مستكثرين عليها الصحن اللي تطلعوه كنسلوه خلاص ولا تجلسو تمنو عالمرأة وتتشرهو ليش ما غسلت ليش ما نظفت مو واجبها ولا ملزومة بمواعينكم وانتو ماشاءالله كم بنت عجزانين على بيتكم؟

لا الحمد لله الخير واجد
بس ماحب احد يستغلنا احنا نكرف وغيرنا نايم مرتاح

اكبر خطا يسكنون عندكم تكثر المشاكل والحساسيات
لا احد يقبل يسكن عند اهل الزوج لازم سكن مستقل
الاهل مو مجبورين في عائله زياده

ترى زوجته مو مسؤولة أبدا عن بيتكم وجمعة غداكم ..هي مسؤولة عن شقتها وزوجها وولدها إذا كانوا بشقتها ...لذلك لا تتحمسين واجد وتطلعون بالشينة .
مسألة زوجها غرف لها لقمة وش بيضركم تراه حلال أخوكم ومن دار أبوه ..ما سرقه ..وكلها لقمة اعتبروها صدقة وعمل خير .
والأهم من هذا كله ربما عندها ظرف والا شيلا تعرفونه أنتم وزوجها عرفه .. ليه هالقسوة عليها؟ تراها زوجة أخوكم واحترامها من احترام أخوكم ..والسالفة ماتسوى كل هالتعظيم كلها لقمة مرة في الأسبوع ما تستاهل ليه ما تنزل معكم تغسل المواعين ..
لو يغرف أخوي لزوجته من غدانا فرحت انه يحبها وحريص عليها وتمنيت لهم التوفيق والالفة ..وأفرح وانه يمون علينا ويغرف من اكلنا لها ..
نصيحتي لك غاليتي خلك محظر خير والمروؤة شي جميل سواء كنت تتقبلين زوجة أخوك أو لا ..وثقي بأنك بنيتك الطيبة الله بيوفقك .
وحتى الوالدة حاولي تخففين غضبها وتوسعين صدرها وتصغرين الموقف بعينها عشان ترتاح فهو من البر بها الله يخليها لكم ...ويفترض لما غابت عنكم كم جمعة تطمنتوا عليها عساها ماهي تعبانه مو تفكرون في ليه ما نزلت تشتغل معكم ..فكري بكلامي زين وعن تجارب كثيرة بهالحياة عطيتك ما اعطيه اختي ونفسي من نصيحة والله على ما اقول شهيد
.