فحص الاجنة وراثياً بالرياض

رفع

شوفي ياقلبي دكتور ماعنده زحمه شبه مستحيل / افضل مختبرين في الرياض ذرية/الحبيب الريان والتخصصي يسوون فحص للاجنة شامل اذا طلبتي وله قيمه معينه- التجميد على عدد الاجنة برضوا له قيمه
الترجيع مايتعدى ٣ اجنة وحسب الوضع ... نصيحه اختي لا تقبلين على الا قاريه بشكل مفصل وعارفه كل شيء

وعليكم السلام
انا عندي نفس مشكلتك وكنت ناويه أسويها بذريه لان الحكومي مواعيده بعيده وبحثت عنه يمدحونه لكن الله كتب لنا دراسه برا السعوديه والان اراجع هناك لكن اعرف وحده سوت فحص اجنه بمستشفى الملك فيصل التخصصي وماشالله حملت من اول مره لكن موعدها جا بعد سنتين وقد قريت بموضوع قديم أن مختبرهم واحد لكن ماادري الان بالنسبه للترجيع مايرجعون أكثر من اثنين لان في هالحاله الزوج والزوجه يكونون سليمين ماعندهم مشاكل تأخر الحمل

سبق وارسلت لمركز ذريه ايميل قبل تقريبا ٨_٧ شهور وهذا كان ردهم اذا بيفيدك بشي والله يرزقنا واياك الذريه السليمه والمعافاه
وعليكم السلام ورحمة الله وبركاته
نشكر لك تواصلك معنا،
نعم يتم إجراء فحص قبل الغرس لدينا في المركز ولابد من مقابلة الطبيب المختص بالأمراض الجينية والوراثية للإطلاع على الفحوصات والتقرير المتوفر لديكم وإفادتكم بتفاصيل العملية.
تكلفة الفحص التحضيري 6,000 ريال وتكلفة فحص الأجنة الوراثي 15,000 ريال وتكلفة التلقيح ( عملية الحقن المجهري ) 12,000ريال التكلفة غير شاملة الأدوية والتحاليَل والأشعة فهي تختلف من حالة لأخرى وتحدد فقط بعد رؤية الطبيب وتشخيص الحالة ووضع الخطة العلاجية.


لمزيد من الإستفسارات والمواعيد يسعدنا تواصلكم معنا على الرقم 0114079999
مع تمنياتنا لك بالتوفيق 🌸
قسم العلاقات العامة، مركز ذرية الطبي

انا عند ذريه وعندهم هالفحص
كنت بسويه بس استخرت وما سويته
الله يوفقك ويسخر لك الدكاتره وربي يكتب لك الحمل السليم التام يارب