انقطع الوتر بيد بنتي

السلام عليكم ،
بدي اعرض مشكلتي عليكم وبتمنى من اللي مرو بهيك تجربه او مرق عليهم هيك يحكولي ،
صبايا انا مبارح بنتي وقعت على كاسة قزاز و انجرحت من باطن ايدها و كان الجرح عميق وادى لقطع وتر ،
قطبولها الوتر بالمشفى و قطبولها الجرح ،
وكانت تقدر تحرك اصابعها الخمسه الحمد لله ،
السؤال هل بترجع ايدها طبيعيه ،؟
وكم تحتاج وقت؟
واذا حدا مر بهالتجربه يا ريت يحكيلي عنها ، انا متخربشه بحالي ومش عارفه شو اعمل افكار بتاخدني وافكار بتجيبني وان شاء الله خير يااا رب ،
وشكراً الكم .