بسم الله الرحمن الرحيم
السلام عليكم ورحمة الله وبركاته
مبروك علينا وعليكم هالخيرات الله يجعلها عطا برضا منه سبحانه
قايمه من الفجور وشبيت الضويه وجبت القهيوه .....بالسطح..وجت العايله الكريمه وتحلقنا على النار
والسما غيوم وفله والله الجو رومانسي مره ويوم اندمجنا في القهوه والسواليف مير تصب علينا السماء بماء منهمرونتراكض وكل يحمل معه حاجه وندخل ونتكوم عند باب الدرجه خخخخخخخخ
تخيلو روسنا مع باب السطح خخخخخخخ
ونفرش عند البويب ونقعد
قلت :اليوم مطر وجمعه ياسلام الدعوه مجابه ان شاء الله ادعوا ادعوا ياعيال
وقمت ادعي :يارب ويارب .......وتصخرلي رجيلي !!!!
قال :تبين اكثر والله مابقي الا اني ازمتس :eek: (اشيلك)خخخخخخخخخخخخخ
قال ولدي الصغير: يبه وش معني تصخرلي...
قال :يعني اصير عبد له(لها)
قلت حرام عليك وش يضرك عاد الدعاء زين وكله خير؟؟؟؟
قلت :ابيك تصير رومانسي !!
قال هههههه وشلون
قلت تفتحلي باب السياره خخخخخخ
قال ما بقي الا تقولين البستس عباتس بعد
قلت ههههههههه هههههههههه حلوه ابي بس ورد ....وتهتم فيني لمني مرضت مثل امس انا تعبانه وانت تروح تكشت وتخليني؟؟؟!!!
وطول اليوم في البر
قال جبت لتس كستنه وفراوله
قلت هههههه هههههه الفراوله اللي يوم شفتها طارت عيوني احسبه ورد خخخخخخخخ
طالعه من وراالكيس اللي يخرفش الالوان احمر واخضر كنها ورد قلت يمكن تحسف وجابلي ورد من باب المصالحه خخخخخخخخخخخخخ
قال: انت لو تبطلين هاللي تتعاطينه متاثره بالمسلسلات والروايات الله يهديتس
قلت: من زمان مهونه والحمد لله بس فيه رواسب جيريه هههههههههههههههههه
قال وش رايس اكشت بتس اليوم
قلت فله والله موافقه( خخخخخ والا عندس طاري تهونين )
قال يله تولمو (تجهزوا)
قلت ان شاء الله...
وبعد الصلاة نبي نشوف هالكشته ونقول لكم الاخبار ......
الى اللقاء في القريب العاجل ........................:26: :26:
مذكرات مرت راعي غنم<< الموضوع سيتم حذفه لو استمر الاعضاء في الدردشه!
متابعة النقاش، صفحة 164