التجمع ال (165) للمقبلات على الحقن المجهري وأطفال الأناب

سلامتك حبيبتي طبيعي اظن من الادويه
انا اخر عمليه جاني غثيان شديد بس راح مجرد ماتركت الادويه

صباح الخير جميعاً ،
عندي سؤال بخصوص الدورة اللي تجي بعد عملية الحقن المجهري هل جت معكم بنفس وقتها أو تأخرت ؟
أنا حصل معي حمل بس أجهضت واليوم لي ٢٧ من لما نزل علي دم الإجهاض حسبتها طبعاً من البرنامج اللي يحسب تأخر الدورة لأن مادخلت وقت دورتي اللي فاتت تركته يحسب التأخير.
إن شاء الله تكونون فاهمين علي ، طبعاً حالياً مستمرة عالفيتامينات وبيني وبينكم على كثر ماكنت متخوفة بالتجربة اللي فاتت على كثر ما أنا منتظرة تمر فترة الراحة وأكرر التجربة وبرضو عندي تخوف بسيط يحصل حمل لأن لما سبق لي الحمل الطبيعي حملت مرتين ورا بعض الأول أجهضت والثاني حملت على طول بدون ماتجيني دورة اعتقد يقولون دورة غايبة وأذكر الدكتورة هاوشتني ليه تحملين الرحم مو مستعد وبتجهضين وفعلاً أجهضت لذلك خايفة من الحمل 😔
هالشيء ما أحكيه لكثيرين بس ما أخفي عليكم على كثر ما أنا أنتظر الحمل على كثر ماكنت أعيش صراع نفسي كل شهر أخاف أكون حامل ويتكرر معي الإجهاض ( لي ٣ إجهاضات ٢ حمل طبيعي و ١ حقن مجهري ) عندي تخثر في الدم ما اكتشفوه قبل لكن بعد الإجهاضات الأولى حللوه لي وبحملي الأخير أخذت إبر سيولة.
الله يعظم أجر صبرنا ويرزقنا بلا حول ولا قوة منا ، أنا راضية الحمدلله بكل ماكتبه ربي ونفسيتي مرتاحة الحمدلله لكن تجيني أوقات أحس بفراغ كبير لما أجلس لحالي مثلاً في البيت وأقول لو عندي طفل كان الحين مشغولة فيه ! مع إني موظفة الحمدلله وعندي اللي يشغلني بس برضو الشيطان يلقى له مداخل يدخل علي بها.
كثرت الحكي بس بديت بسطر ومدري كيف وصلت إلى هنا لكن أعتبركم أخوات لي ولأن موضوع الحمل ما أحب أتكلم فيه مع أحد عشان مايفكرون إني متأزمة منه أو ينظرون لي بشفقة.

الله يفرج كربتك ويطمن بالك ويرزقك من حيث لا تحتسبين
روحي لطبيب او طبية عندهم مع تخصص الانابيب تخصص اجهاض يصير يفهم اكثر من الي حقن بس اذا انت تحملين معناته مشكلتك مو انابيب قد ما هي اجهاض. د زينب ابو طالب ود غادة غراب اعتقد لهم في الاجهاضات المتكررة. الله يرزقك من واسع فضله ويرزقك راحة البال وكل مهموم يا رب. ابن ادم ضعيف وكل الي تمرين فيه نمر فيه أغلبنا - بس من نعمة ربي يقعد فترة ويرح والانسان من اسمه ينسى ترا ويسلى. تفائلي وان شالله انك بتبشرني بحملك وتمامه بذرية صالحة سليمة معافاة.

صباح الخير حبيباتي كيفكم ؟
الحور الله يعوضك العوض الجميل ويرزقك الحمل الطبيعي دام زوجك سليم ان شاء تحملي طبيعي سويتي منظار ؟ ما عندك بطانة


بدوز السيد تحليل ldn هو تحليل تكسر المادة الوراتية يسوونه الي عندهم فشل متكرر واجهاضات متكررة

بنات سمعت ذكتور يقول الي فشلت عملياتها باجنة يوم الخامس تسوي اجنة يوم التالت افضل مكان للجنين هو الرحم
قال كتير فشلت عملياتهم لاجنة يوم الخامس و عملنا لهم اجنة يوم الثالث وحملو وممكن العكس قال بعد الفشل لازم تغيير البرطكول في الادوية وفي الأجنة
والله يرزق الجميع الذرية الصالحة ❤❤❤

امين يارب وإياكم جميعا
صراحه شي متعب نفسيا لان حتى الدكتور يقول لو كانت الجنه درجه اولى مو شرط تكون سليمه من الأمراض الوراثيه يعني تشيلين هم كم بويضه بيحصلون وهل جودتها كويسه ثم تشيلين هم هل بيحصلون بويضات سليم واذا حصل هل راح تثبت الاجنه ويكون حمل