مازلت في حلقتي النفسيه المفرغة

ماقصروا اللي قبلي
بس نصيحتي حللي فيتامين د وغيره
تحتاجين علاج
اعانك الله حاسةفيك

فيه حل
ادعي الله يرزقك زوج صالح يحبك
زي مارزقك الله قبل عشرين سنه قادر يرزقك الحين

ام ٤٠ وتدورين عالعفاف والستر
اجل ام ال٢٠ وال٢٥ وش تسوي
ليه شايفة حالك مكشوفة عشان تدوري عالستر
ماحد حيحرم عليك الزواج
بالعكس لو لقيتي الرجال الكويس تزوجي مافيها شي
لكن مو اخلي حالي اني ضايعة بلا رجال
ومشتتة وتايهة
وماحيتعدل حالي الا بزوج
ومبن اللي ينظر للمطلقة بنظرات مش تمام
والله ماسمعت بدا غير هنا
اعرف مطلقات توهم ببداية ال٢٠
ولا احد قدر يتعرضلهم
ولا حتى يتحارش فيهم زي ماتقولو
اصلا وش يدري الغريب انك متزوجة ولا مطلقة
تمشي وتعلني عن حالتك الاجتماعية
عزيزتي ربي انعم عليك بأولاد واحفاد
وعمل ونشاطات
يعني وقتك المفروض يكون مزحوم
وماعندك وقت تفكري حتى في الزواج
واما انك تفكري في طليقك والحنين ليه فتلك مصيبة
يعني مافي اي شي يشفعله انك تذكريه وتحني ليه
المشكلة فيك عزيزتي
جواك بركان ثاير وتتوقعي انه ماحيهدأ الا بالزواج
لكن تأكدي انك لاتزوجتي بيضل جواك نفس هالمشاعر
لانه الرجال تقريبا يتشابهون
ولأن بحياتك اولاد
وحيصير عندك تشتت بين هالزوج وهالأولاد
وحتعيشي نفس هالثوران
لان انتي من جواك مو راضية عن حالك
تبغي نصيحتي راجعي طبيب نفسي
هو حيوجهك اكيد للتخلص من هالسلبية والمشاعر الهايجة
وممكن تحتاجي معاه لعلاج يخفف من الاكتئاب اللي تعاني منه

حقيقة قصتك آلمتني كثيراً ولكن تفكيرك زادني ألم وحسره
يا أختي والله العظيم مايصير للانسان بالدنيا الا اللي مكتوب له ( ماأصابك لم يكن ليخطأك وما أخطأك لم يكن ليصيبك )
وعسى ان تكرهوا شيئا وهو خير لكم وعسى ان تحبوا شيئا وهو شر لكم
يا اختي انتِ منتي محتاجه زوج كثر ماانتي محتاجه ايمان بالله اكثر واكثر
انتي حولك نعم كثييييره بس ما انتي شايفتها بسبب السلبيه اللي تعيشين فيها
يا اختي تدرين وش حلك اللي قاله الرسول عليه السلام انظر للي اقل منك
قولي الحمدلله لديك ابناء وبنات وعندك حفيده واصبحتي جده غيرك يبحث عن الضنا غيرك ماتزوجت طول عمرها لين ماتت مع ان هذا ماهو عيب لكن ماكتب لها ربي غيرك قرروا عليها رحمها يشال ولا تجيب ضنا طول حياتها غيرك يعاني من السرطان طول عمره غيره ابتلاء بعيال مشلولين غيرك طريح الفراش من طلع عاى الدنيا غيرك يتيم غيرك لقيط ماعنده أسره غيرك مهتوك ستره غيرك فقد عيونه غيرك راحوا عياله كلهم بحادث غيرك القصف فوقه غيرك مبتور اليدين والرجلين غيرك يدور الأكل واللبس مايلقاه غيرك يشحذ الناس ويسألهم من الفقر
وغيييييره كثثييييير غيرك فاقد عقله وكثيييير حالات نسأل الله العفو والعافيه
الشيء الثاني لازم تعرفين انك مو بس لحالك تعانين بهالدنيا ترى كلن عنده مايهمه لكن سبحان الله لايكلف الله نفساً الا وسعها
تأكدي ان طلاقك تقدرين تتحملينه لان ربي قال لايكلف نفسا الا وسعها
وبعدين طبيعة الحياة النقص ولولا كالنقص ماتمنينا الجنة
الحياة يكملها الرررررررررررررضا أين كان وضع الانسان
وتدرين ان الهم اللي نصابه يكفر الذنوب اذا الشوكه وهي الأدنى تكفر
غير كذا لاحزن يدوم ولافرح يدوم بهالحياة
هي طبيعتها
الابتلاء سنة الله سوى غني سوى فقير .... الخ
والشيء اللي بقوله لك كل اللذين صبروا قد جبروا
مافيه احد صبر واحتسب وعمل بالاسباب اللي ربي يكرمه ويعطيه
عندك الدعاء والله والله والله ان ربي يستحي يردك وانتي تدعينه هو ملك الملوك من يدعوني استجيب له هو يقول جل شانه بس ادعوني وانا استجيب
يا اختي والله ان الحياة فيها الزين والشين لكن ركزي عاى الزين تعيشين برضا وحمد وشكر لله
اما تتشكين وتضيع الحياة والعمر على الندم والقهر هذا من الشيطان
يا اختي سمي يوم التغابن لان الناس يغبنون من شدة الاعمال اليسيره اللي فاتتهم على يسرها وسهولتها خلينا دامنا عايشين نستغل كل دقيقه
وليش تقولين مقدر اعيش من غير رجال
قولي انا مع ربي به وبدونه انا قويه بربي به وبدونه خلي عندك روح المسلم والمؤمن القوي
التفتي لنفسك روحي سوي شيء ينفعك املي وقت فراغك مو عشان تنسين لا عشان تنفعين نفسك والرسول يقول استعن بالله ولاتعجز
والله العظيم فيه وحده تقول بس افكر بطليقي وتعبت وقمت صليت لربي اني انساه مااتذكره وفعلا استجاب لها ربي تقول والله بالكاد اذكره انطلقت وعشت حياتي
وحده تقول كنت ادعي بشخص بعينه ابيه من شده حبي له وادعي ليل نهار وفعلا استجاب ربي لها لانه قال ادعوني والحين البنت تقول ليتي مادعيت صح ربي رزقني فيه بس طلع سيئ وكنت تمنيت قلت ربي ان كان فيه خير
يا اختي الله عظيييييييييم خليك على بابه الناس مابيدها شيء هم مثلك عندهم معاناه غيرك يبون لها حل

اقرئي كتب ماتتخلين وشلون يتغير تفكيرك وتقبلين على الحياة ومن غير كيف تعرفين طبيعة الحياة اللي تخليك واعيه ومدركه اكثر
يا اختي انا ماراح اقولك انسي ماضيك لانه شيء ماهو باراده الانسان لكن اقولك تعلمي من الماضي ولا تقولين لو فعلت كذا ماصار كذا لانه من عمل الشيطان
قولي كانت حياة مليئة بالزين والله يذكره بالخير وكانت مليئة بالمساوئ له رب يجازيه وبس
عيشي الحياة المتبقيه ترى عمر الانسان وشو عسانا نجمع حسنات ورانا حياة ثانيه ورانا الدار الاخره
ولاتقولين عمري كبير انتي مالك دخل بعمرك كل الناس مثلك واللي تعداك وصل للستين
انتي عليك انا وش راح اسوي بعقد الاربعين اذا ربي عطاني عمر هل راح اقضيها بالهم والحسره او هل راح اعمر نفسي من جديد
واكثري حوقله ترى ربي مايدلنا على شيء الا وفيه الخير
تأكدي الشيء اللي يقوله ربي معناته يقييييييييين
لاترخصين نفسك لاي رجل خليك امرأه عصاميه
انتي مو اي شيء انتي كرمك ربي لاتهينين نفسك
وان شاء الله ربي بيرزقك الزوج الصالح اللي يعرف قدرك
انصحك بمتابعة أسامة الجامع تويتر واسأل الله لك حياة مليئة بالخيرات والبركات طولت كلام لكن متأكده اذا قريتيه وتأملتيه راح تدعين لي
فالك التوفيق 🧡

القران وتدبر الايات والسنه النبويه اقرئي فيها
ترى الصحابيات تطلقوا وعاشوا
عادي طبيعة الحياة كذا بس انتي منتي متقبله الطلاق
يعني تبين كل شيء كامل كامل لايمكن
وان شفتي شيء تأكدي انها ارزاق يقسمها الله عاى عباده يمسك على هذا ويعطي هذا وكلها بالنهايه ابتلاء
توكلي على الله واستعيني به
هذي خديجه رضي الله عنها تطلقت من اثنين وعندها بنت ولاتوقعت يوم من الايام ان راح يكون زوجها نبي وخاتم الانبياء بعد ❤️
تفائلي يمكن ربي كاتب لك تزوجيه واحد غيره يعوضك
ممكن ربي كاتب لك رزق غير الزواج
ممكن ربي مخبي لك شيء عظيم
حطيها ببالك ( الله مسبب الأسباب اذا اراد الشيء جابه لك لحد بابك )
سبحانه ♥️