مادري وش اقولك حاولي تذكرينه بطريقتك ان لك انت وعيالك الحق في الطلعه معه لو يوم كل اسبوعين تعذري بالاثاث الناقص تبين تكملينه معه ولا تنسين الدعاء والاستغفار الله يسخرلك ويوفقك
أشكر مروركم يمكن أنا ما عرفت أعبر أنه غيرة أهل زوجي مني هي السبب في طلوعه لهم كل أسبوع لأنهم يتصلو فيه كل أسبوع ويطلبوا منه يطلع لهم وهو طبعا مايبي يزعلهم وغير كذا هو حاب يطلع . ومبيينين له أنه هذا شي عادي ومافيه شي . وهذا المشكلة سبب لمشاكل كثيرة . , تخيلوا زوج يرجع من عمله تعبان يبي يرتاح يبي ينام مايبي كلام كثير . وفي الويك إند غير موجود كيف تكون العلاقة بينه وبين زوجته . جـــــــــــــــــــــــــــــــــــــــــــــــــــافة وفي حاجز بينهم . والظن السئ بالزوجة دائما لاأنه مهو معاها دائما. وياخذباللي يسمعه لأن اللي يشوفه قليل . والحب شبه مفقود أو موجود بس مغطى .
عزيزتي ربي يريح بالك الجأي للخالق في الدعا ورأي الأخوات سليم ماعندي زيادة لازم تتنازلين عن بعض الاشياء واتحملي وحاولي تكسبينهم الغيرة ياقلبي موجودة في كل مكان وش بنسوي إذا تبغين حل حاولي تحلين موضوعك وتقدرين إن شاء الله
ياقلبي طيب ليه ما تتفاهمين معه تكلمينه في وقت يكون رايق فيه وترتبين امورك تحددون وقت مثلا تقضونه مع أولادكم تقضون أغراضكم .. بس حسسيه على طول أنك قريبه منه وجنبه لا تحسسينه بالبعد والجفا