بنتي ماتتكلم والمعالجة خبيزه

ما انصح توديها لمعالجة شعبية ابدا .. لانها غير متخصصة.
ايضا، تشتت الانتباه طبيعي بعمرها، وسنها صغير وعلاجها افضل الان، وما تحتاجه حسب وصفك جلسات تعديل سلوك ونطق وتخاطب .. وهذه لها مراكز خاصة ..
نصيحتي وديها مركز خاص لجلسات التخاطب والسلوك وبإذن الله بتلاحظين فرق وتحسن .. الله يطمنك عليها

لا الحمدلله تنبسط مثل اخواتها بالطلعه .. وتجلس بالسياره لحالها وتركب السياره لحالها ..

أيه تستجيب لما اجيب لها شي تحبه .. تجي تركض لي ..


بس احط الشوكلاته ع الكنب واقولها هاتي شوكلت ولا كانها تسمع ..

تجيب علبة الماء تبي تشرب اخذها واحطها بعيد واقولها هاتي ماء واشر على العلبه ولا تناظر ولا تروح نهائي ..

أنا نصحوني بالرنين المغناطيسي بس تخدير كامل وجسمها اخاف مايتحمل .. بعدها صغيره ..
عشان يشوفون وظائف الدماغ اذا تشتغل كلها ولا لسمح الله عندها خلل ..
هذا الاخصائي الي رحت له وسجل حالتها تشتت انتباه وتغير سلوك بس قال لازم موعد بالحكومي عشان نتاكد من خلال الرنين المغناطيسي ..
والمفروض رايحه لهم قبل اسبوعين بس مرررره ماني مرتاحه لتخدير الكامل ..
قلت اجرب اول المداويه خبيزه .. وفيه راقي قال تحتاج رقيه .. بجربهم قبل المغناطيس
😔😔💔😩

ما اظن الرنين المغناطيسي يضر، لكن اذا مو مرتاحة له ممكن شي ابسط مثل تخطيط كهرباء الدماغ eeg او ممكن اختبارات سلوكية نفسية (بدون اجهزة) فقط مجموعة العاب تلعبها المختصة مع الطفل وتقيس فيها ادائه ..
والافضل تقولي للدكتور انك مو مرتاحة للرنين وتشوفي معه طريقة ثانية يقيسوا فيها وظائف الدماغ واكيد بيفيدك بجوابه.
ايضا ان امكن تشوفي راي طبيب اخر ولا تكتفي براي واحد فقط.
لكن المعالجة لا تروحي لها، ما اظن بتفيدك بشيء.
والرقية انت اقري عليها .. وان شاء الله تتحسن وتطيب.