تباشير السعادة (13) لمواليد نوڤمبر 11 -ديسمبر 12 🍂 لعام 2020

يا رب لك الحمد على سلامتك وسلامته
بِسْم الله عليه الله يحفظه لك يا رب
ويسعدك حبيبتي

خذي ملين من الصيدلية
اشربي مرق وسوائل دافيه
والرشاد مع التمر يمشي البطن
سلامتك 🌷

صباح الخير يا نفوسيات و حوامل الله يهون عليكم ما تبقى من حملكم

الحمدلله بدأت عافيتي ترجع لي و قدرت أمشي و أتحرك بس تقلبات نوم وليدي مطفشتني كل يوم له نظام و وقت


و الرضاعة يا حلواااااات ما قدرت ماأدري فم ولدي صغير بزيادة و إلا حلمات صدري صغيرة عليه صرت أشفط له بالآله و رغم إنه قليل بالعافية يوصل لرقم واحد بالرضاعه بس ما ودي أحرمه من حليبي ما أدري طريقتي صح أو غلط
قلت يمكن اذا كبر شوي يقدر يتحكم و يمسك صدري بس الحين تعب خصوصا مع جرح العملية ما أقدر أضغط على نفسي و أطول بالمحاولات عشان يمسك الحلمة


تكفون طمنوني هل طريقتي صح أو لا


و من بكره ان شاءالله بأخذ لهوم النفاس و اشرب حليب و أكل حلاوة طحينية عشان يزيد الحليب عندي


وولدي طهاره يوم الأحد و شايله هم 🥺🥺🥺🥺🥺🥺لأني بأوديه لحالي مع عاملة أهلي ما أدري كيف بأمسك نفسي خصوصا البضاعة عند ولدي نتفه كأنه لسان عصفور ما أدري وش بيقص وش بيخلي الدكتور
😢😢😢😢


و ان شاءالله يا رب يبشرنا بباقي المنتظرات للفرج في التجمع الجاي


بأحاول بين فترة و فترة أدخل و أتطمئن عليكم و ياليت ما نقطع بعض و نبقى على تواصل على أي وسيلة تناسبكم في المنتدى أو التلجرام أو الواتس


عشرة عمر بيننا و ظروف مرينا فيها استثنائية و قدرنا نتغلب عليها و نواسي بعضنا و كنا لبعض مثل الاخوات و أكثر 💖


الهرمونات العاطفية عندي زايدة هاليومين قلت أعطيكم منهاا شويه 😄

ما شاء الله تبارك الرحمن
الحمد لله على سلامتكم

لا مااقصد الحلتيتة انا اقصد من اسباب ان الرحم مايفتح الشمم لذلك اخر مرة بخرت من اخر السابع