لما قلتي موقف وقح تذكرت هالموقف قبل سنتين تقريبا
كان فيه اجتماع بالعيد لحريم الجماعه كلهن وكان الاجتماع قطه ..كل وحده تدفع مبلغ وقدره وتجيب معها قهوتها كامله ..انا كل سنه كان يفوتني وانا بطبعي اجتماعيه ..كنت ابي احضر انا وبناتي نعايد الجماعه ونسلم عليهم وبما انها قطه فما لأحد منه
المهم علمت زوجي وقال بكيفك روحي ..تجهزت انا وبناتي وحنا فرحانين عيد وجمعه ..المهم دخلت واول مادخلت لمحت اخت زوجي واقفه بالاستقبال شافتني وتغير وجهها وطلعت ..انا ماادري وين راحت قلت يمكن دخلت بغرفه ثانيه ..دخلت انا وبناتي وسلمنا ع الجماعه كلهم وقعدنا ..شوي الا اشوف وجه خالتي ام زوجي تغير ..بس ماادري وش اللي حاصل ..اخذت نص ساعه وانا اسولف مع الحريم واضحك واتقهوى ..مادريت الا زوجي يكلمني ويصارخ ..بسم الله انا ماادري وش فيه ..جايبني مافيه شي ..
قالي اطلعي عن الحريم طلعت وانا منهبله وش صاير
قالي ان اختي رجعت للبيت ونادتني تصيححححح مرره بالجوال علي وتناديني تقولي تعال الحق علي ..يقول انا جيت مسرع ماادري وش فيه ..قالت طلع زوجتك من الاجتماع ..مانبيها معنا ..وزوجتك ماسلمت علينا ..وانا اصلا مامداي ع طول اول ماشافتني من بعيد طلعت ..يقول تصيح قوى وتقول طلعها مانبيها معنا خل بس بناتك وهي لا ..تقوله انا مجهزه معايدات وابي استانس طلعها عنا ..زوجي رفض وقال مستحيل اطلعها بتروحين روحي بتجلسين هنا انطقي ..وبعد ساعات رجعت يوم ايأست اني اطلع
مسكتها قلت ليش تكلمين فلان وتشكين له ليش ماكلمتيني انا ..حنا حريم ونتفاهم مع بعض ..ليش توصلينها للرجال ..قالت بوقاحه هذا خوي عادي اشكيله ولا تبين تمنعيني عنه ..قلت طيب ليش تبيني اطلع ..ليكون جايه بيتك وانا ماادري هذي استراحه للجميع وقطتي معي مالك دخل
قالت ليش ماتسولفين معي ..قلت بيني وبينكن السلام وبس اما الكلام فالمجلس مليان حريم سولفي مع اللي تبين مو لازم انا ..قامت تذكر سوااالف قديمه وليش تسوين معنا كذا وليش تسوين كذا ..قلت والله هذا اللي ناقص تحاسبيني ع تصرفااتي مو شغلك اسوي اللي ابي ..( مالقيت عندها سنع )
المهم رحت اعايد وطلعت بفضيحه ..كل الحريم يطالعني ويوم شفت الوضع كذا ..سكتها وقمت وتعشينا وطلعنا .
المهم اني عمري ماشفت مثل بجاحتهن ووقاحتهن .
ماأ وقح فعل شاهدتيه في حياتك ؟
متابعة النقاش، صفحة 3