انا وزوجي وسرا الليل

ليه ياعزيزتي تحكمين !عيشتي عيشتي عشان تقولين
منقص عليكم والا مومنقص عليكم
!!
بيتي ماتعيش فيه ولا قطاوه رث قدددديم متهالك يشهد ربي ان السقف متشلخ فوق روسنا !! حتى ترميم مانقدر نرممه جاء العامل قال مستحيل ارممه كان يطيح كلّه!

بيت متهالك ودرج يحوم الكبد يروع ركبي احتكاك !وانا بعز شبابي من سببه اكون حامل وثقيله وارقا وانزل
عدة حملات مو حمله وحده
وتحسبينه زي درج المسلمين!متساوي
وووعب بين كل وحده والثانيه مسسسسافه
وزنية غللللط

وتقولين امه مي ظالمه؟! الحمدلله ربي حكم عدل فوق ومطلع على كلللل شيء

اذا ام توقف في وجه ولدها لاتسكن ببيت زي العالم والناس
وش تسمينه؟
تبينه يقول روحي هناك انا طالع !

ماتوقع هذا شي عقلاني اكيد بيطاوعها ويكتم

وكللللللله على حسابي وحساب عيالي
اللي ربي معطينا النعمه وبسببها فقط مو قادرين نتهنى

حسبي الله عليها وعلى كل من هو بشاكلتها يابنات اللي امها كذا خل تحذرها الظلم ظلمات لاتتسلط على الولد اذا شافته بار ويخاف ربه

والف الف شكر لكل الحبايب اللي نورو موضوعي




عضوه قالت خليه يعزم عشان برستيجه ،،لاتخافين ههههه ماتفوت عليه عزايمه برى من ارقا شيء سوا شاليه سوا فندق سوا مخيمات

ااااه بس اااااه حسبي الله وكفا

الله يجزاك خير ع الدعوات الطيبه

كان الله بعونك

فيه مثل زوجك وأمه كثير

الله يصلح حالهم و حالنا

ادخلي أهلك بالموضوع حتى يقنعوه ويوسع عليكم

والله لو تحسبين من هنا لبكرا ( العجوز ماظلمتك )

الي ظلمك وقصر بحقك زوجك .. فلا تحطي غباء زوجك وانه مايسمع كلامك بذنب غيره ..


ورعان امهاتهم ترفض يتزوجون من بنات معينات ويتزوجون ولا فكروا
ورعان مسنعين حياتهم وحياة زوجاتهم رغم رفض الام والاب له لبعض الامور

وزوجك اتوقع خلاص كمل الاربعين يعني يقدر يتصرف ويحط ويشيل بس هو عاجبه الوضع وعارف ان العقار بياخذ منه فلوس واجد. ويبي له اثاث ودنيا

فريح راسه ...

وصدقيني لو تزوج الثانيه ماراح يسكن عند امه ...


بنت عمي زوجها تزوج عليها وخلاها بنفس البيت الي عند امه بس رممه واثث لهااا جديد وغاااااالي ( عشان تسكت )
وخلاها بالديره عند امه

واخذ الثانيه وسكنها ببيت ملك واثاث وبالرياض .. ويروح ويجي بينهن ..

يعني السالفه ماهي سالفة بر .. السالفه ان زوجك مستخسر فيكم الوسيع وبينه وبين نفسه هذا يكفيكم ويمشي وضعك ..


ودام تحطي اللوم ع امه وهو الملاك البار ماراح يتغير وراح تكملي عمرك بهذا الجحر ...