تنومت ومحد زارني

مرحبا بنات فيه موضوع قاهرني مره ومستغربته
انا تنومت ٥ ايام بسبب تسقيط ، والغريب ان محد زارني في بيتي رغم اني راعية واجب واوجّب الناس وازور المريض من اهلي في بيته واجيب من مالذ وطاب ، الغريب يوم مرضت وتنومت بس اتصلوا علي يتطمنون ومحد زارني في بيتي ! حزت بخاطري مررره ، والله اقلها ارسلولي اكل لو مع مرسول ! محد عبرني ، خواتي اشوفهم طالعين يتمشون ولا وحده منهم جات قالت بجي اسلم عليك رغم انهم بنفس المنطقه معاي ! حتى امي وابوي قمت اصرف زوجي قلت بروح اسلم عليهم اكيد قلقانين علي ومابي اعنّيهم وانا عارفه محد بيجيني عشان كذا قلت بروح قبل اتفشل ومايزوروني ، بس خواتي الي ضايقوني مره رغم اني اشوفهم يوجبون المريض ويزورون واذا مرض احد من اقاربنا زي جدي وعماني واخواني الشباب ابوي يقعد يلومنا ليه مانزورهم ولازم نروح ونسلم ! طيب انا ابوي ليه مالام اخواني واخواتي وقال زوروا اختكم ! مع ان اخوي بس عشان اعطوه ابرة حرارة وتعب واغمى عليه وابوي سوالنا سالفك عشان نزوره في بيته ورحت ووجبته وانا محد زارني ! متفشله مره من زوجي لان دايم يوجب اهلي واحسه مصدوم بس مايبي يحرجني لان امه كل كم يوم ترسلي اكل وقهوه وانا محد من اهلي ارسلي شي ! حتى ام زوجي وخواته مازاروني بس ماشلت بقلبي زي ماشلت ع اخواتي واخواني !

47 تعليق 11,347 مشاهدة

شاركي في النقاش

سجلي الدخول لإضافة تعليق.

التعليقات

44
  1. غالبا سقطي في الاسابيع الاولى مافيه روح عشان كذا ماحد اهتم ترى انا صار لي زيك سقطت بالاسبوع السابع ماحد عطاني وجه ولا كلمني قلت يمكن عادي لانه صغير
  2. @faith_5

    لاتكبريها في نفس زوجك خصوصاً..

    صراحه احنا ماعندنا زيارات علشان التسقيط اذا وحده اعرفها سقطت اكتفي اني اكلمها واتطمن عليها ماادري وش نظامكم..



    واذا تمونين على اخواتك ممكن عتب خفيف، قولي توقعتكم تجوني وانتظرتكم..

    اذا تعرفين انه العتب يجيب مشاكل ابتعدي عنه، ومثل ماقلت يمكن شايفينه موضوع بسيط ومو حابين يتعبونك حطي لهم الف عذر وعذر..



    والله يعوضك العوض اللي يسعد قلبك ❤️

تابعي تجارب أخرى من هذا القسم.