المنفصلات يدخلو

لا تتحسسون من المسمى..
وماتدرون وش ربي يكتب لكم..
تزوجت وعمري ١٨ سنه وتطلقت بعدها بسنه (والزواج الفعلي من الدخول الين تم الطلاق كان ٣ شهور) وكنت مبليه بذاك الانسان وزيادة عليها صغر عمري وجهلي وخوفي من المجتمع واهلي والناس..
والاكتئاب الي صابني والتعب..
الين جا يوم وقررت اروح مكه، واعتمرت، وقلت لنفسي خلاص انا هذا نصيبي فالدنيا وهذا الي ربي كاتبه لي، محد عاش حياتي ولا شاف الي شفته عشان افكر فيهم وفي رده فعلهم او نظرتهم، محد انكسر قلبه ولا احد تعب مثلي، فخلاص الحمدلله رب العالمين المهم ارتاح..
واول فتره بعد الطلاق كانت صعببببه مو شوق له ولا حب بس كانت افكار طبيعيه زي هل انا تسرعت او هل كان ممكن تنحل المشاكل بدون طلاق والخ..
بعدها صرت اركز بنفسي ودراستي وشكلي وصحتي، وغيرت رقمي عشان ما يتواصلون معي اهله وسنابي وكل شي، والحمدلله عدت العده وعدى معها كل شعور ..
وماكنت ابي الزواج ابدا وخلاص قلت جربت ومابي اعيد التجربة لكن سبحان الله ربي لو كتب لك شي بيتيسر لك غصب عنك، طليقي تكلم عني في مجلس رجال بسوء وطعن في شرفي وسمعتي، ومن الحضور شخص جاه فضول وجلس يسال عني وعن اهلي وعرف عني كثير وتقدم لي رسميا مع انه ماقد تزوج قبلي ولسه شاب وانسان دين ويخاف الله ودكتور وموظف حكومي ما شاء الله وتم الزواج بعد طلاقي ب٧ اشهر بس ورزقنا الله ببنت من شهرين الحمدلله..

يمكن ربي كتب لي الزواج والطلاق وارسل لي طليق قليل اصل يتكلم فيني بسوء عشان بس يسمع زوجي الحالي عني ويعرفني ويتم زواجنا..
وماكنت اتوقع ولو واحد فالميه اني ارضى بالزواج بعد صدمتي الاولى لكن زي ما قلت ربي لو كتب شي بيتيسر بدون ما نفكر فيه

الطلاق عادي جدا
تطلق بطلب من رغم رفض الاهل كلهم وانه لازم اصبر وراح يتغير بس ماقدرت فرق العمر كان أكبر من ب١٢ سنه
الان لي ١٥ سنه منفصله والحمدلله مرتاحه
تقدم لي عدة اشخاص للزواج بس ما صار نصيب والحمدلله خيره
اذا تقدم لي معدد و شفت عذره لزواج غير مقنع يحش في زوجته ولا افكر اقبل فيه نهائي
لو قال انه ربي معطيني والله حلل لي راح احترمه لانه ما طعن في زوجته
الان مو متزوجه وحياتي حلوه مستقره الحمدالله
من تركته ما ندمت ولا فكرت فيه لانه شي انتهاء
لا ستعجلين على الزواج خذ وقت تستقرين عاطفي و نفسي
قدامك حياه حلوه بغض النظر عن كلام الناس
وترا لا يقدم ولا ياخر كلامهم

رفع

الطلاق شي صعب ماكنت أتخيل إن الموضوع بيكون صعب علي لهدرجه الي صار معاي ماكان فيه تفاهم وانسجام بينا وبينا فرق بالعمر وأنا بكل برائه رحت تعلقت فيه وحبيته الإنفصال صار مفاجئ دخلت بحالة صدمه لإن صارت لي مشاكل كثير بسببه وجحدني وحط فيني عيوب الدنيا عشان ينفصل وماحد يلومه وحذفني وحظرني من حياته زواجنا كان كم شهر وبعدها صارت مشكله وهو كبرها وصلها لطلاق للحين انا مصدومه ونفسيتي بوضع صعب لإنها أول تجربه لي بالزواج وللحين متأثره رغم إنه كان يتجاهلني ويهملني وماكان معطيني أي إهتمام فيه صفات زينه بس هالصفه كانت تستفزني فيه بأخر فتره زاد النفور بينا مامدانا نمل من بعض كلها شهر ونص أنا ماهتم لناس لوقالت مطلقه بالعكس تعتبر ميزه تكوني صاحبة تجربه و تعلمتي من أخطائك

ربي يوفقك في حياتك يارب