التجمع ١٦٨ للمقبلات على الحقن المجهري واطفال الانابيب

تذكرت لما رحت طبيب عام في الحبيب كان جنسيته شامي كان عندي حموضة تقطع الصدر ودوخة شبه دايمة اول شيء قاله :
التفت على زوجي قال ضحكوا عليك ؟ دفعت مهر وماكنت تدري ؟ روح كرمال الله اطلبهم يرجعون لك المهر ! طبعاً كان يمزح وقتها مرح ثقيل بس ضحكت مع زوجي ومشيتها
المره الثانية لما حملت وطلعت اسوي تحليل هرمون الحمل كان الوضع العالم يخوف بداية الحظر ومزاجي مدري كيف مخربط عشان الحكومي اللي سويت فيه التلقيح تقفل
اول مادخلت للدكتور قال اش سبب تاخر الحمل قلت مافي سبب تاخر حمل غير مفسر كان دكتور سعودي وقام يغمز لزوجي قال غير مفسر ولا تضحك عليك 😉 ؟ وزوجي قام يضحك وانا ضحكت على غبائة مو عشان دمه خفيف . قام قال لزوجي بالله عليك أهلك مادوروا لك عروسة تجيب لك ولد بدل ماتدخل ذي المرمرطة طبعاً صار العكس زوجي سكت واعطاه نظرة حادة انا ضحكت قلت هههاااي لاياشيخ !!! ووجه الدكتور صار احمرررر لانه انفجع من نظرة زوجي
وخرجنا من عنده ولا عاد دخلنا وكان بالحبيب نفسي اقول اسمه هو تخصصه متابعة حمل مو مساعدة انجاب وقيمته بتطبيق الحبيب صفر وكتبت اش قالنا وعاد مدري اش بيسوون له !! 😉

لا حول ولا قوة الا بالله .

بعض الناس ما يحاسبون ابداً ع الكلمه .انها تأثر بالشخص خاصة بهالأمور الحساسة .

خصوصاً الدكتورالثاني لما قال تجيب لك ولد تخيلي زوجي تحسس اكثر مني لدرجة اول ماطلعنا طلع حامي ونااار قال باشتكيه وانا قمت اهديه خلاص طز فيه مريض اصلاً لما تدخلون تطبيق الحبيب التخصصي بتحصلونه من الاقل تقيييماً من بين الدكاترة

لا يا شيخة كلنا عندنا نقص حديد و دال وكالسيوم ووووو...
وعلاجها سهل بالفيتامينات والادوية وتصيري عال العال إن شاء الله تعالى..
ورفع نسبة الحديد و دال والكالسيوم مهم بالحمل

المهم حبيبتي اللي بغيت اقولك انه طز فيه وفي كلامه
وبالعكس مره ممتاز انك شيكتي على نفسك
خصوصاً إن مرات أسباب الفشل بأي خطوة من خطوات التلقيح المجهري يكون سبب تافهه
الجسم معادلة معقدة مره سبحان الله تكتشفين اشياء ماكنتي تحسبين لها حساب انا اكلمك من تجربة عشتها مع تأخر حمل مجهول السبب !! لأن الخلاصة الجسم تركيبة معقدة ولغز كبير
أحسن شيء الان تاخذين بريك شهر شهرين وتضبطين كل اللي شفتيه ناقص او مرتفع
وماعليك بكلامه يمزح بس مزح ثقيييل تعرفين الرجال كيف مرات تافهين ههههههههه
اهتمي بنفسك والله يسهلك كل عسير