تعبت💔حياتي كل مالها للاسوء

مدري يمكن كلامي ينفعك
فكري بينك وبين نفسك .. الى مته تفكرين بكذا
انا تعيسه انا وانا وماضي وو
فكري بالحاضر والمستقبل
توك صغيره وبيدك تقدرين تكونين تعيسه او سعيده
ياانك تحاولين تدرسين او تدورين اي شغله
اما تجلسين تقولين حظي وكذا
ابدا ماراح يتغير شيء بتزيد حالتك
امك ابوك خلاص تعودتي على كلامهم طلعي من اذن الثانيه اذا سمعتي
قامت تدعي عليك قولي ادعي لي يايمه انتي اقرب وحده لي
حظي نحس ومانحس منكم انتم اللي عيشتوني كذا
مو بيدي لاتجين انتي والزمن علي
وبس
ابوك حني عليه شوي ويسجلك ادرسي
يمكن تشوفك وحده وتتزوجين
ادعي ربك بالزوج الصالح
وصح هذا الشيطان يلعب براسك انتي تعيسه
انتي تقرين اذكار وقران ولافاد وكذا
يجيك بيشكك بالعباده
والله يستر عليك ويوفقك

حبيبتي أن الله إذا أحب عبدا ابتلاه
ربي ابتلاك بمشاكل وهموم وتعب بيختبر صبرك وقوة إيمانك
وبيعوضك بحياه أفضل
لكن اصبري اصبري واحتسبي أجر صبرك
اول شي لازم تنسين الماضي لأن أغلب مشاكلنا تتعلق بذكريات مانسيناها في الماضي
وامك وابوك بري فيهم وتغاضي عن تصرفاتهم ولازم تتعودين لأنهم جنتك ونارك ومهما سويتي لهم من جميل ماتوفينهم حقهم
وحافظي على صلاتك واقري أذكار الصباح والمساء بتحسين براحه عجييييبه انا من فتره اقراها واجاهد نفسي عشان ما اتركها
وكمان ياقلبي ادعي بكل اللي في خاطرك من استقرار وراحة بال وزوج صالح وانك تكملين دراستك وتتوظفين أن شاء الله
خليك ايجابيه دايم الحياه يبغى لها صبر ومجاهده
وبإذن الله الأيام هذي كلها بتمر وتكون ذكرى
انتي لسا صغيره الحياه قدامك حرام تعيشينهاا في تعاسه انتي بيدك تقررين ياتعيشين تعيسه أو انسانه متفائله وبإذن الله بتصير حياتك مليئه بكل شي جميل

بالنسبه لمشاكل امي وابوي ارحملي من زوجه ابوي هذا شي
الشي الثاني انا ماني اسيره الحزن الماضي الماضي نسيته وراح ومازالت المصايب فوق راسي وين ماروح عشان كذا حكيت لكم حياتي من البدايه ولا انا ناسيتها لو مو ناسيتها كان الله يعلم بحالي
وبالنسبه ل امي انا اكثر وحده باره فيها وقايمه بواجباتها بس ابتلاء من ربي وش اسوي امي قاسيه علي انا بالذات والسبب مجهول
والكليه انا مابغا اتعب نفسي على شي مايسوى ياادرس جامعه ياماادرس لانو مشواير الددوام بتكلف محد فاضيلي يوديني ويرجعني وابوي ضروفه صعبه لو جامعه اوك شي يستاهل اتعب واخسر عليه بس كليه هالايام الوضايف صعبه
وترا انا مو حزينه بلعكس احاول اغير جو نفسي واطنش ماني عايشه جو الكإبه بس دايم تصير مشكله تنكد علي وماتكمل فرحتي الا مايصير شي بايخ الحمدلله على كل حال

🤍🤍🤍ربي يسعدك

امي قلبها قاسي ماينفع معها ياما بكيت قدامها وانذليت قلبها حجر
يعطيك العافيه يارب على مرورك🤍